web analytics

Beurat Mayar Denda Rp5 Juta, Tukang Bubur nu Ngalanggar PPKM Ditulungan Hamba Allah

clockJumat, 9 Juli 2021 13:46 WIB userRedaksi AyoBandung.Com
Bandung Baheula - Bandungan, Beurat Mayar Denda Rp5 Juta, Tukang Bubur nu Ngalanggar PPKM Ditulungan Hamba Allah, Pelanggar PPKM Darurat,tukang bubur didenda 5 juta,tukang bubur langgar ppkm darurat,ppkm darurat di tasikmalaya

Sawa Hidayat (28) tukang bubur Biasa Malam ningalikeun bukti pembayaran denda Rp5 juta ti Kejaksaan Negeri Kota Tasikmalaya, Rebo, 7 Juli 2021. (Ayotasik.com/Heru Rukanda)

TASIK, AYOBANDUNG.COM — Kakara gé poé kahiji Pemberlakuan Pembatasan Kegiatan Masyarakat (PPKM) Darurat di kota Tasik, geus aya kajadian viral ngeunaan tukang bubur. Tukang bubur “Biasa Malam” nu sok mangkal ti peuting di Simpang 4 Jalan Gunung Sabeulah, Kelurahan Tawangsari, Kecamatan Tawang, Kota Tasikmalaya keuna razia tim Satgas Covid 19. Bubur “Biasa Malam” kabuktian ngalanggar PPKM, nyaéta ngalayanan nu meuli dahar di tempat. 

Sawa Hidayat (28) nu dagang harita divonis denda Rp5 juta subsider 5 poé kurungan ku majlis hakim Pengadilan Negeri (PN) Kota Tasikmalaya, Salasa, 6 Juli 2021. Majlis Hakim Pengadilan Negeri Kota Tasikmalaya, Abdul Gofur, nyebutkeun Sawa kabuktian salah geus ngalanggar PPKM Darurat, jeung ngalanggar Pasal 34 Ayat 1 juncto Pasal 21i, Ayat 2 Huruf f dan g, Perda Provinsi Jawa Barat Nomor 5 Tahun 2021 ngeunaan Perubahan atas Perda Provinsi Jawa Barat Nomor 13 Tahun 2018 tentang ketertiban umum, ketenteraman, dan perlindungan masyarakat.

Ngaréspons putusan majlis hakim, terdakwa Sawa ngarasa kabeuratan jeung meredih ka majlis hakim sangka denda nu dijatuhkeun ka manéhna dikurangan. Tapi, majlis hakim teu ngabulkeun. Alesanna sanksi denda sakitu téh geus mangrupakeun sanksi denda minimal.

Duit lima juta lain saeutik pikeun Sawa Hidayat, tapi manéhna ampun paralun embung teuing ari kudu ngaringkuk 5 poé di pangberokan mah. Atuh, nu boga bubur sakaligus lanceuk Sawa Hidayat, Endang Uro (45), ulu biung. Ceuk Endang, denda sakitu mah beurat teuing. Jaba kaayaan keur sarusah kieu. "Beurat teuing Rp5 juta mah, Pa. Lamun Rp2 juta mah, insya Allah. Pan néangan duit téh kiwari keur hésé," ceuk Endang sanggeus sidang tipiring, Salasa, 6 Juli 2021.

Isukna, Sawa Hidayat nu ditepungan ku Ayobandung.com ngaku geus réngsé mayar denda nuditindihkeun ka manéhna. “Geus dibayar Rp5 juta ka Kejaksaan Negeri (Kejari) Kota Tasikmalaya, Rebo, 7 Juli 2021 isuk-isuk tabuh 09.00 WIB,” ceuk Sawa.

Sawa nétélakeun, jang mayar denda ka kejaksaan, kulawargana arudunan jeung unjam injeum ka dulur-dulurna. “Geus kumpul Rp5 juta, langsung dibayarkeun,” ceuk Sawa basa ditepungan di tempatna jualan bubur, Rebo, 7 Juli 2021. Sawa memang geus dagang deui. Ngan ayeuna mah teu ngalayanan nu meuli dahar di tempat.

Sawa nambahkeun, sabadana mayar Rp5 juta ti kejaksaan, teu disangka-sangka aya nu datang ka imah ngagantian duit Rp5 juta nu dibikeun ka kejaksaan.  “Alhamdulillah aya Kang Uyung masihan Rp5juta jang ngagantian denda ka kejaksaan. Ceuk Kang Uyung, ieu aya hamba Allah nu nitip jang ngagantian denda. Duka saha," ceuk Sawa.

Bubur “Biasa Malam” Mémang Buka ti Peuting
Sawa cumarita, yén bubur Biasa Malam mémang mimiti buka tabuh 5 soré nepi ka tabuh 6 isuk-isuk. Sanggeus kajadian keuna razia PPKM Darurat, dagangna leuwih ati-ati, ayeuna mah teu ngalayanan nu meuli dahar di tempat. "Geus masang pengumuman: Mohon maaf, untuk sementara tidak melayani makan di tempat," ceuk Sawa.

Sawa dagang bubur ayam geus 7 taun. Mimitina mah dagangna di luhur jembatan Jalan Mitrabatik. Taun 2010 pindah ka simpang 4 Jalan Gunung Sabeulah.

Bubur ayam nu dijualna teu béda jeung bubur nu dijual ku nu dagang séjen. Topingna ayam seuwir, cakué, ati ampela, tongcay, bawang daun, bawang goréng, jeung kurupuk atawa emping. "Ceuk palanggan mah, ngeunah kénéh didahar di tempat tibatan dibungkus. Hargana ti mimiti Rp10 ribu nepi ka Rp15 ribu," ceuk Sawa.

Tina sapeuting, Sawa nyebutkeun dagang buburna bisa béak 10 kilo nepi ka 12 kilogram béas. Palangganna lolobana ti Ciamis, Singaparna, Ciawi, Garut, malahan artis ibu kota siga Edi Brokoli jeung almarhum Aria Baron kungsi ngabubur di bubur ayam Biasa Malam.

Salah saurang pelangganna, Hendra, warga Ciamis nyebutkeun, lamunt ti peuting peurih beuteung, manéhnah sok datang ka bubur Biasa Malam. Sanajan rasana teu jauh béda jeung bubur sejenna, bubur Biasa Malam boga tempat stratégis nu bisa didugdag ti mana waé. Buburna teu éncér teuing. Topingna loba," ceuk Hendra.

Ceuk Hendra, hanjakal ayeuna mah teu bisa dahar di tempat. “Ya, nurut PPKM Darurat saja. Teu nanaon dibungkus,” pokna.

Editor: Dudung Ridwan

terbaru

Sastra Sunda: MAPAG HIBAR PANGHAREPAN

Bandungan Sabtu, 24 Juli 2021 | 13:59 WIB

Kuring diuk sisi jandéla, beus ngageuleuyeung lalaunan. Anit ngadadahan ka bapana. Beuki jauh, leungeun Fahmi diantelkeu...

Bandung Baheula - Bandungan, Sastra Sunda: MAPAG HIBAR PANGHAREPAN, Carpon Sunda,carpon Aam Amarullah,carpon,Sastra Sunda,sastra dan budaya Sunda,Cerita pendek bahasa Sunda,Cerita pendek Sunda

Disaté, Digulé, Digepuk … Daging Kurban Dikumaha Deui Nya? Geus Nyobaa...

Bandungan Jumat, 23 Juli 2021 | 11:32 WIB

Saté koyor dijieunna tina gajih sapi, teu maké daging pisan. Di Yogyakarta, saté koyor sohor pisan.

Bandung Baheula - Bandungan, Disaté, Digulé, Digepuk … Daging Kurban Dikumaha Deui Nya? Geus Nyobaan Saté Koyor?, Sate Koyor,masak daging kurban,Iduladha,sate,gule,gepuk,Daging Kurban

Anthony Ginting Siap Makalangan di Olimpiade Tokyo 2020

Bandungan Rabu, 21 Juli 2021 | 14:49 WIB

Dina anceran mah, Ginting nu jadi unggulan kalima di Olimpiade ieu, bakal sanggup ngeléhkeun lawan-lawanna.

Bandung Baheula - Bandungan, Anthony Ginting Siap Makalangan di Olimpiade Tokyo 2020, Anthony Ginting,Pebulutangkis Anthony Sinisuka Ginting,Olimpiade 2020 Tokyo,tunggal putra anthony sinisuka ginting,Bulu Tangkis

Cerpen: TRUK MENUJU KOTA

Bandungan Sabtu, 17 Juli 2021 | 07:49 WIB

Seharusnya aku takut kepada Brenda. Dia cukup jangkung dan suaranya terdengar berat. Brenda adalah perempuan yang terjeb...

Bandung Baheula - Bandungan, Cerpen: TRUK MENUJU KOTA, Cerita Pendek,cerpen,Cerita pendek Ken Hanggara,Sastra,Bahasa dan Sastra Indonesia

Vidéo Doni Salmanan nu keur Ngabagi-bagi Duit Viral. Saha Doni Salmana...

Bandungan Jumat, 16 Juli 2021 | 13:12 WIB

Wakil Bupati Bandung, Sahrul Gunawan, nga-repost vidéo Doni Salmanan. Atuh, meunang mangpirang koméntar.

Bandung Baheula - Bandungan, Vidéo Doni Salmanan nu keur Ngabagi-bagi Duit Viral. Saha Doni Salmanan téh?, Doni Salmanan,doni salmanan bagi-bagi duit,Youtuber Doni Salmanan,Sahrul Gunawan,Dadang Supriatna-Sahrul Gunawan (Bedas)

Korona dina Carpon Sunda: Catetan tina Pasanggiri Ngarang Carpon Pakar...

Bandungan Selasa, 13 Juli 2021 | 20:16 WIB

Catetan tina Pasanggiri Ngarang Carpon Korona di Komunitas Pakarangan

Bandung Baheula - Bandungan, Korona dina Carpon Sunda: Catetan tina Pasanggiri Ngarang Carpon Pakarangan, Carpon Sunda,pasanggiri ngarang carpon,pakarangan,pasanggiri ngarang carpon Pakarangan,Hadi AKS,Bahasa dan Sastra Sunda,seni dan sastra sunda,Sastra Sunda

Sastra Sunda: ÉLÉGI PANDEMI

Bandungan Sabtu, 10 Juli 2021 | 10:47 WIB

Saban kuring rék miang sakola di TK Bustanul Athfal, buuk kuring nu panjang, diuntun dua. Dipitaan. Dibajuan. Disoléndan...

Bandung Baheula - Bandungan, Sastra Sunda: ÉLÉGI PANDEMI, Carpon Sunda,Carpon Komala Sutha,Carita pondok Sunda,Cerita pendek Sunda,Cerita pendek bahasa Sunda,Cerita Pendek,Sastra Sunda

Beurat Mayar Denda Rp5 Juta, Tukang Bubur nu Ngalanggar PPKM Ditulunga...

Bandungan Jumat, 9 Juli 2021 | 13:46 WIB

Sawa cumarita, yén bubur Biasa Malam mimiti buka tabuh 5 soré nepi ka tabuh 6 isuk-isuk.

Bandung Baheula - Bandungan, Beurat Mayar Denda Rp5 Juta, Tukang Bubur nu Ngalanggar PPKM Ditulungan Hamba Allah, Pelanggar PPKM Darurat,tukang bubur didenda 5 juta,tukang bubur langgar ppkm darurat,ppkm darurat di tasikmalaya

artikel terkait

dewanpers
arrow-up