web analytics
  

Bajigur Beuki Dieu Beuki Langka Kaséréd ku Inuman Milénial

Rabu, 9 Juni 2021 13:26 WIB Redaksi AyoBandung.Com
Bandung Baheula - Bandungan, Bajigur Beuki Dieu Beuki Langka Kaséréd ku Inuman Milénial, Bajigur,bajigur tasik,minuman bajigur,bajigur khas jawa barat,bajigur langka

Asep Baroya (30) pedagang bajigur saat menuangkan bajigur ke dalam gelas cup untuk pembelinya, Selasa, 8 Juni 2021. (Ayotasik.com/Heru Rukanda)

LENGKONG, AYOBANDUNG.COM – Nu dagang bajigur beuki dieu beuki langka. Mun aya kénéh gé nu daragangna geus karolot. Bisa jadi inuman khas Jawa Jawa Barat ieu geus kaséred ku inuman sachet nu praktis jeung murah hargana. Tinggal soék, purulukkeun. Tuluy tinyuh ku cai panas.

Bajigur, bandrék, kopi, susu, jahé, ayeuna mah ampir aya dina kemasan sachet, rupa-rupa merek. Tacan deui kaséréd ku gempuran inuman milenial—thai tea, dalgona, boba, jeung sajabana. Keur mah nyieunna rada bangga, bajigur beuki beuki ngeureuleup wé kapopuléranana.

Di masarakat Sunda mah nu dagang bajigur biasana katingali ti mimiti pasosoré nepi ka peuting, malah tengah peuting. Nu ditanggung mah sigana geus euweuh, paling ngajualna maké roda. Ngadorong roda, ngurilingan kampung. “Gur, gur, bajiguur,” kitu sorana. Atawa maké kentringan bari nakolan gelas atawa mangkok.

Di Tasik, di pelemburan, masih kénéh aya nu dagang bajigur nu umurna ngora kénéh. Ngaranna Asep Barokah (30) warga Kampung Cikabuyutan, Desa Tenjowaringin, Kecamatan Salawu, Kabupaten Tasikmalaya.

Asep Baroya daga bajigur ti mimiti umur 14 taun. Sanggeus tamat SD, Asep teu nuluykeun sakola. Asep kalah ka diajar nyieun bajigur ka urang Limbangan Garut.

Ka Ayotasik.com, Asep cumarita ngenaan pangalamanna salila 16 taun dagang bajigur. Ka Garut téh tadina mah niat rék néangan gawé, ari pék kalah ka panggih jeung urang Limbangan, tukang nyieunnan bajigur.

Tiu urang Limbangan éta manéhna diajar nyieun bajigur katut nyieunan kadaharan tradisional séjénna, saumpama kelepon, papais, putri noong, kulub cau, kulub hui, nagasari, jeung sajabana. "Mimiti jualan bajigur ti taun 2008. Geus 13 taun dagang bajigur nguriling kampung," ceuk Asep Baroya, Salasa, 8 Juni 2021.

Asep nétélakeun, kurang leuwih sataun setengan manéhna diajar nyieun bajigur ti urang Limbangan Garut. Ti umur 14 tahun. Diniatan hayang digawé, ti Salawu ngajugjug Garut. Manéhna sumanget diajar nyieun bajigur jeung elmu dagangna. "Sanggeus ngarasa bisa mandiri, kuring nyobaan nyieun bajigur sorangan, bari tuluy didagangkeun. Geus bisa mah, kuring balik ka Tasikmalaya bari tuluy mimiti dagang," ceuk Asep.

Ciri khas bajigur mah, ceuk Asep Baroya, nyaéta gula arén jeung cipati kalapa. Aya ogé nu nambahkeun jahé, gumanteung kréasi nu dagangna. Tapi, pikeun Asep mah teu wani ngarobah ciri khas bajigur. “Ah, bajigur mah angger utamana mah gula arén jeung cipati kalapa. Tong ditambah nu lain. Kacuali daun pandan jang nyeungitan.”

Harga sagelas bajigur Asep Baroya Rp2 ribu. Sakali jualan, Asep mawa kurang leuwih 3 léter bajigur. Ditambahan siksik cangkaléng.

Ngaran dagang bajigurna "Bajigur Barokah". Ku ngaran eta, Asep mihareup nu nudagangna meunang barokah—mangrupa panghasilan nu halal. Nu meulina si meunang mangfaat tina daganganna.

Tangtuna, kuéh tradisional lainna ogé aya: kelepon, papais, kelepon, papais, putri noong, kulub cau, kulub hui, kulub suuknagasari, comro, jeung sajabana. "Hargana mirah, rata-rata Rp1.000," ceuk Asep.

 

Editor: Dudung Ridwan

terbaru

Nu Dijilbab Kayas

Bandungan Selasa, 22 Juni 2021 | 14:59 WIB

Ti harita, pleng, tepi ka ayeuna teu panggih. Boh jeung Elis. Boh jeung Wawan. Carita éta geus di-énd-keun. Disimpeun di...

Bandung Baheula - Bandungan, Nu Dijilbab Kayas, Fiksimini Sunda,Cerita Fiksi,fiksimini,fiksimini dudung ridwan,Sastra Sunda

Cerpen: SEGALA HAL PENTING DALAM INGATAN

Bandungan Sabtu, 19 Juni 2021 | 09:31 WIB

Maafkan aku, Dorma. Sepertinya, aku takkan pernah sempat menceritakan segala hal penting dalam ingatanku ini kepadamu ka...

Bandung Baheula - Bandungan, Cerpen: SEGALA HAL PENTING DALAM INGATAN, Cerita Pendek,Bahasa dan Sastra Indonesia,cerpen,cerpen fitri manalu,cerita pendek fitri manalu,sastra indonesia,Sastra

Kukurilingan Néangan RS Kosong, Pasién Covid 19 Ahirna Maot di Jalan

Bandungan Jumat, 18 Juni 2021 | 14:15 WIB

Pasién Covid asal Lohbener maot di jalan sanggeus teu manggihan RS nu kosong.

Bandung Baheula - Bandungan, Kukurilingan Néangan RS Kosong, Pasién Covid 19 Ahirna Maot di Jalan, COVID-19,pasien covid 19 meninggal di jalan,rs  penuh,Pasien Covid-19

Sanggeus Ngalongok nu Gering, 35 Warga Cikalongwetan Positif Covid-19

Bandungan Kamis, 17 Juni 2021 | 15:01 WIB

Sanggeus Ngalongok nu Gering, 35 Warga Cikalongwetan Positif Covid-19

Bandung Baheula - Bandungan, Sanggeus Ngalongok nu Gering, 35 Warga Cikalongwetan Positif Covid-19, COVID-19,menjenguk orang sakit,menengok orang sakit,ngalongok nu gering

Toko Roti Sumber Hidangan (Het Snoephuis) Tempat Ngumpulna Urang Belan...

Bandungan Rabu, 16 Juni 2021 | 13:51 WIB

Toko Roti Sumber Hidangan (Het Snoephuis) Tempat Ngumpulna Urang Belanda di Bandung

Bandung Baheula - Bandungan, Toko Roti Sumber Hidangan (Het Snoephuis) Tempat Ngumpulna Urang Belanda di Bandung, Sumber Hidangan,Toko Roti Sumber Hidangan,Toko Roti Legendaris,Het Snoephuis

Sastra Sunda: PEUTING PETENG KI JURU PANTUN

Bandungan Sabtu, 12 Juni 2021 | 09:56 WIB

Pantun téh salah sahiji pintonan kasenian dina jaman Pajajaran. Anu remen dilalakonkeunanana kalolobaan mah carita ngeun...

Bandung Baheula - Bandungan, Sastra Sunda: PEUTING PETENG KI JURU PANTUN, Cerita pendek bahasa Sunda,Cerita Pendek,cerita pendek aan merdeka permana,Carpon Sunda,carpon aan merdeka  permana,Bandungan,Sastra Sunda,Bahasa dan Budaya Sunda

Kurupuk RO: Sajarah Panjang Raden Omay

Bandungan Kamis, 10 Juni 2021 | 14:44 WIB

Kurupuk RO bisa disebut kadaharan jadul nu ngalegénda. Tapi, tong salah nu raresep kana camilan khas Jawa Barat ieu masi...

Bandung Baheula - Bandungan, Kurupuk RO: Sajarah Panjang Raden Omay, Kerupuk RO,Pengrajin Kerupuk RO,Raden omay,sejarah kerupuk ro,sajarah kurupuk ro

Bajigur Beuki Dieu Beuki Langka Kaséréd ku Inuman Milénial

Bandungan Rabu, 9 Juni 2021 | 13:26 WIB

Bisa jadi inuman khas Jawa Jawa Barat bajigur geus kaséréd ku inuman sachet nu praktis jeung murah hargana.

Bandung Baheula - Bandungan, Bajigur Beuki Dieu Beuki Langka Kaséréd ku Inuman Milénial, Bajigur,bajigur tasik,minuman bajigur,bajigur khas jawa barat,bajigur langka
dewanpers