web analytics
  

Ngabuburit ka Pasar Manuk Sukahaji, Asa Pelesir ka Kebon Binatang

Senin, 19 April 2021 12:15 WIB Dudung Ridwan
Bandung Baheula - Bandungan, Ngabuburit ka Pasar Manuk Sukahaji, Asa Pelesir ka Kebon Binatang, Pasar Burung,Pasar Burung Sukahaji,ngabuburit ka pasar burung sukahaji,jual beli burung di pasar sukahaji

Nu dagang manuk di Pasar Sukahaji. (dudung ridwan/ayobandung)

LENGKONG, AYOBANDUNG.COM – Harita poé Saptu. Budak kuring nu leutik, 12 taun, meni teu jempé, meredih, “Pa, isukan Saptu anter ka Pasar Manuk Sukahaji.  Hoyong mésér anak manuk Lovebird. Rék diurus ti leuleutik. Méh apét,” ceunah.

“Pa, Enéng gé hoyong ngiring,” ceuk anu bungsu.

“Wios, Pa, da gaduh acis nyalira,” lanceukna némbal deui. “Sakalian ngabuburit atuh, Pa.”

Éleh géléng ku kahayang budak, atuh isukna, isuk-isuk Minggu 18 April 2021 ngaboncéng dua budak ka Pasar Sukahaji. Caritana rék néangan orok lovebirds bari mawa ulin budak sakalian ngabuburit.

Ti Soréang ka Sukahaji mah teu pati jauh. Tapi, ogé teu bisa disebut deukeut. Lempeng wé ka Sayati. Terus, ka Kopo. Mentas Sukarno Hatta masih lempeng kénéh. Méméh RS Imanuél, aya parapatan. Méngkol wé ka kénca. Ti dinya aya 500 meter mah, Pasar Burung Sukahaji aya di belah kénca, sanggeus Mol Citylink.

Ti kajauhan kénéh, geus katingali Pasar Sukahaji. Bahu jalan geus pinuh kunu jual meuli manuk atawa sasatoan lainna.

Motor diparkir.

Kakara gé jrut turun, geus disamperkeun ku nu nawaran manuk. “Pa, Murai Papua sajodo. Wios, ka Bapa mah sajuta. Bade manuk Anies na mangga. 300 rebu,” ceuk salah saurang nu nyamperkeun bari mamawa kurung.

Kuring gideug. Enya, manukna meuni alus. Hideung leustreun. Buntutuna ngagebay panjang. “Manuk langka, Pa,” ceuk manéhna.

Nu lain nawarkeun: Lovebird, kenari, cucak héjo, murai, anies, bultok, jrrd.

Duh, meni ramé kieu. Paingan babaturan kungsi ngabéjaan. Lamun ka Pasar Sukahaji, alus na mah, kudu isuk kénéh. Nu dagang sasatoan biasana muru isuk-isuk. Geus ngajaranteung sisi jalan méméh asup ka jero Pasar. Da pasar na mah ngan saguliweuk. Mun beurang mah, sato nuditéangan kaburu payu ku batur.

Nuri (dudung ridwan)

Ampir 90 persén nu dagang manuk—matakna disebut pasar manuk. Sagala manuk aya. Ti mimiti cangkurileung, kenari, lovebird, murai, jalak, haur, nepi ka manuk langka siga gagak, heulang, atawa tuweuw. Manuk di kandangan ngagarantung. Atawa dijajarkeun kurungna di handap. “Milari manuk naon, Pa? Ampir, unggal nu dagang naranya kitu.

Kuring jeung budak terus ka jero pasar. Budak mah atoh wé asa dibawa ka kebon binatang.

Rada ka jero saeutik, puyuh, anak hayam, hayam camani, hayam katé, hayam cangéhgar, hayam pelung, hayam Bangkok. Aya ogé kalong ngagarantung. Bueuk. Atuh, sora récét sagala manuk, patémpas-témpas jeung sora hayam, digalokeun jeung bau kotoran sagala sasatoan. Duka teuing, jadi bau nanahaon.

Blok per-ucingan jeung per-anjingan. Ti mimiti ucing kampung nepi ka ucing Pérsia nu irungna pegék anu hargana mahal. Teu loba nu dagang Sugar Glider mah. Ka jero saeutik, aya kelenci saré.  Jeung indungna. Tuluy, blok oray, bayawak, sakapeung aya anak buaya, careuh. Beuki ka jero beuki bau. Ogé aya blok dahareun sasatoannana, ti mimiti cacing, endog sireum, nepi ka pelet.

Di jero, manggihan anak lovebirds. Hargana ti mimitina Rp150.000 nepi ka Rp200.000. “Geuning mahal, Pa,” ceuk budak.

“Mending meuli manuk nu tos gacor. Capé kudu ngalolohan manuk leutik kénéh mah,” kuring ngolo.

“Enya atuh.”

Iguana (dudung ridwan)

Leuwih ka jero pasar.  Aya blok iguana. Hargana Rp2 Juta. Kuya batok gedé pisan siga nu boga artis téa. Hargana Rp10 juta.

Leumpang deui ka blok manuk marahal: Béo, kakatua, nuri, bétét. Katingali saurang bos dianter ku anak buahna nawar manuk nuri  nu geus bisa ngomong. Manéhna katingali geus ngaborong sasatoan: bajing dua, bueuk, iguana.

Panon poé beuki luhur. Budak kuring tungtungna mah meuli manuk Anies. Barieukeun meureun. Bakat ku loba manuk.

Balik ah, bisi budak lapareun capé teuing mah. Hayoh, engké batal.

Beuki beurang nu dagang manuk sisi jalan beuki coréngcang. Tapi, anggeur bau pasar mah teu ngurangan.

Editor: Dudung Ridwan

terbaru

Peré Lebaran, Maén Badminton jeung Pamaén Persib

Bandungan Senin, 10 Mei 2021 | 13:47 WIB

Nyaan nyemésna tarik—da puguh gedé tanaga. Tapi, kieu senina badminton. Manéhna ku uing teu dibéré bola cemésen.

Bandung Baheula - Bandungan, Peré Lebaran, Maén Badminton jeung Pamaén Persib, fiksimini,fiksimini,Fiksimini Sunda,Cerita pendek Sunda,Cerita pendek bahasa Sunda,fiksimini dudung ridwan

Sastra Sunda: IMPIAN SAMÉMÉH LEBARAN

Bandungan Sabtu, 8 Mei 2021 | 06:11 WIB

Henteu gampang geuning jadi pangarang téh. Ngahuleng ti balik tarawéh nepi ka ampir jam sabelas, asa acan manggih waé ca...

Bandung Baheula - Bandungan, Sastra Sunda: IMPIAN SAMÉMÉH LEBARAN, Cerita Pendek,Cerita pendek bahasa Sunda,Cerita pendek Sunda,cerita pendek Yus R. Ismail,carpon,Carpon Sunda,carpon yus r. ismail,seni dan budaya sunda,Sastra Sunda

Dongéng Nasruddin Hoja: Numpak Keledai Nyanghareup ka Tukang

Bandungan Jumat, 7 Mei 2021 | 14:40 WIB

Tapi ayeuna mah jumaahanna bari ngabringkeun murid-muridna. Atuh da murid-muridna téh barandel pisan.

Bandung Baheula - Bandungan, Dongéng Nasruddin Hoja: Numpak Keledai Nyanghareup ka Tukang, Kisah nasruddin hoja,kisah nasruddin hoja basa sunda,carita nasruddin hoja dina basa sunda,dongeng nasruddin hoja

Aglonéma Diprédiksi Tetep Bakal Jadi Primadona

Bandungan Kamis, 6 Mei 2021 | 15:17 WIB

Aglonéma nu boga ngaran latin Chinese evergreen ieu boga kakhasan nu béda jeung nu lain.

Bandung Baheula - Bandungan, Aglonéma Diprédiksi Tetep Bakal Jadi Primadona, Tanaman Hias,Aglonema,jenis Aglonema,Aglonema impor,Aglonema lokal,harga Aglonema Bandung,harga aglonema

Timburu

Bandungan Rabu, 5 Mei 2021 | 15:40 WIB

Da di tukang baso tahu éta pisan cinta manéhna baheula ngajadi.

Bandung Baheula - Bandungan, Timburu, fiksimini,Cerita Fiksi,Fiksimini Sunda,fiksimini dudung ridwan,timburu

Hayang Lauk Laut Teu Kudu ka Laut, Aya Pasar Ikan Modern Soreang

Bandungan Selasa, 4 Mei 2021 | 14:45 WIB

Sagala lauk laut aya. Di lantéi dua aya dua puluh lapak nu narima meuleum lauk atawa narima mangmasakeun.

Bandung Baheula - Bandungan, Hayang Lauk Laut Teu Kudu ka Laut, Aya Pasar Ikan Modern Soreang, pasar ikan,Pasar Ikan Modern Soreang,Pasar Ikan Modern,Pasar Ikan Modern Bandung

Dongéng Nasruddin Hoja: Jadi Khotib Jumaah

Bandungan Senin, 3 Mei 2021 | 15:32 WIB

Can lila manéhna khutbah, katingali para jamaahna geus narundutan. Ngalegeday. Malahan sabagian jamaahna saré bari kérék...

Bandung Baheula - Bandungan, Dongéng Nasruddin Hoja:  Jadi Khotib Jumaah, Kisah nasruddin hoja,nasruddin hoja jadi khatib jumat,kisah nasruddin hoja basa sunda,carita nasruddin hoja dina basa sunda,dongeng nasruddin hoja

Sastra Sunda: DURIAT NU MAWA BEURAT

Bandungan Sabtu, 1 Mei 2021 | 07:48 WIB

Hirup jadi ayem tingtrim ku jalan musawarah, lain pabetem-betem tur hayang papada meunang sorangan.

Bandung Baheula - Bandungan, Sastra Sunda: DURIAT NU MAWA BEURAT, cerpen Sunda,Cerita pendek bahasa Sunda,Sastra Sunda,sastra dan budaya Sunda,Carpon Sunda,Carpon Ratih Ratnasari
dewanpers