web analytics
  

Torowongan Sasaksaat. Malem Jumaah jeung Malem Senén Hawana Panas

Selasa, 6 April 2021 12:11 WIB Redaksi AyoBandung.Com
Bandung Baheula - Bandungan, Torowongan Sasaksaat. Malem Jumaah jeung Malem Senén Hawana Panas, terowongan terpanjang Indonesia,Terowongan Saaksaat,misteri terowongan sasaksaat,Sejarah terowongan sasak saat

Terowongan Sasaksaat. (Suara.com)

CIPATAT, AYOBANDUNG.COM – Kungsi teu naék karéta ngaléwatan Torowongan Karéta Api Sasaksaat? Nu sok nyaba maké kareta ka Jakarta mah pasti pernah. Cenah, torowongan ieu mangrupakeun torowongan pangpanjangna jeung nu masih aktif di Indonesa. Panjangna 949 meter, ampir sakilometer.

Torowongan Sasak Saat pernahna aya di  KM 143+144, Desa Sumurbandung, Kecamatan Cipatat, Kabupaten Bandung Barat (KBB). Torowongan Sasaksaat meulah Bukit Cidepok nu ayana di antara Stasion Maswati jeung Stasion Sasaksaat.

Diwangun taun 1902 ku Staatsspoorwegen (SS), pausahaan karéta api nagara, ieu torowongan jangkungna 4,31 meter. Lébarna 3,92 meter. Baheula, digarawékeun beurang peuting. Para pagawéna gabungan ti bangsa pribumi, Cina, jeung Éropah. Bangsa pribumi jeung Cina mah lolobana kuli. Sedengkeun nu jadi insinyurna, nu ngamandoran, jeung nu ngaborongna urang Éropah.

Teknisna ngagali  bukit belah kalér jeung kidul babarengan. Maké paralatan saayana: pacul, balincong, jeung linggis. Torowongan nu boga nomor Bangunan Hikmat (BH) 503 ieu diwangun maké présisi nu canggih di zaman harita. Aya itungan kamiringan jeung pengkolan 16-25 derajat.

Di bagéan tengah jalur rél dijieun rada luhur méh cai ti bukit di luhur torowongan ngamalir jeung teu rembes ka bantalan rél. Lamun cai rembes, besi jeung kai rél bisa bekah, ngaganggu kana kasalametan.

Di jero torowongan, dijeun sléko--tempat paragi nu ngecek rél malipir. Kabéhna aya 35 sléko: 17 sléko di kénca, jeung 18 sléko di katuhu.

Mimitina mah torowang téh dipaké sabagai alat transportasi karéta pikeun ngangkut  komoditas ékspor saperti kopi, téh, béas, sarta ngangkut hasil tani di wilayah Bandung. Ka dieunakeun, torowongan nu ayeuna aya dikakuasaan  Daerah Operasi II Bandung téh dipaké léwat ku karéta api jarak jauh, saperti  KA Argo Parahyangan, Harina, Ciremai, Serayu, karéta api lokal Cibatu-Purwakarta, jeung karéta angkut barang.

Bantalan rél Torowongan Sasaksaat dicék tiap tilu jam sakali saméméh atawa sanggeus karéta léwat. Patugas lempang ti tungtung ka tungtung. Bolak-balik. Bisi aya bantalan karéta baudna logor, dipageuhan. Lamun keur ngecék, ujug-ujug aya karéta, si patugas asup sléko.

Di Torowongan Sasaksaat Cenah Loba Kajadian
“Anéh, tiap malem Jumaah atawa malem Senén sok aya hawa panas di jero torowongan,” ceuk Krisna Budirohman, salah saurang penjaga Terowongan Sasaksaat. Krisna sapopoéna boga tugas ngecék jalur karéta api.

"Paling kalau malem Jumat, malem Senin hawana robah jadi pana. Lamun jang warga di dieu mah geus biassa," ceuk Krisna.

Krisna nétélakeun, aya kabiasaan nu geus dilakukeun turun-tumurun di torowongan éta, nyaéta tiap tanggal 17 Agustis atawa poé Kamerdekaan Indonesia PT KAI mencit embé jeung hayam.

"Ti  zaman Belanda kénéh geus dilakukeun. Jadi, pas torowongan ieu diresmikeun, kabiasaan éta geu aya," ceuk Krisna. Eta téh mangrupa rasa syukur jeung doa kasalametan. Dina waktuna para inohong jeung tokoh agama setempat haladir.

"Embé jeung hayamna gé meunang udunan ti warga. Engkéna dagingna didahar bareng-bareng ku warga," ceuk Krisna.

Editor: Dudung Ridwan

terbaru

Sastra Sunda: RT IDUN

Bandungan Sabtu, 10 April 2021 | 06:11 WIB

KANG IDUN ngalempréh teu walakaya. Beurat awakna tuluy nyirorot. Awakna nu baheula seseg.

Bandung Baheula - Bandungan, Sastra Sunda: RT IDUN, Cerita pendek bahasa Sunda,Carpon Sunda,Carpon Eryandi Dahlan,Sastra Sunda,Bahasa dan Sastra Sunda,Bandungan

Hotél

Bandungan Rabu, 7 April 2021 | 16:00 WIB

Kuring godeg bari nutupkeun panto.

Bandung Baheula - Bandungan, Hotél, fiksimini,Fiksimini Sunda,Cerita pendek bahasa Sunda,Carpon Sunda,Sastra Sunda

Torowongan Sasaksaat. Malem Jumaah jeung Malem Senén Hawana Panas

Bandungan Selasa, 6 April 2021 | 12:11 WIB

Torowongan Sasaksaat Meulah Bukit Cidepok nu ayana di antara Stasion Maswati jeung Stasion Sasaksaat.

Bandung Baheula - Bandungan, Torowongan Sasaksaat. Malem Jumaah jeung Malem Senén Hawana Panas, terowongan terpanjang Indonesia,Terowongan Saaksaat,misteri terowongan sasaksaat,Sejarah terowongan sasak saat

Asmarandana Heubeul Isuk

Bandungan Senin, 5 April 2021 | 16:41 WIB

Asmarandana Heubeul Isuk

Bandung Baheula - Bandungan, Asmarandana Heubeul Isuk, Fiksimini Sunda,fiksimini,Cerita pendek bahasa Sunda,Carpon Sunda,seni dan budaya sunda

Warung Asihan

Bandungan Minggu, 4 April 2021 | 20:42 WIB

Eukeur mah memang di warung Tante mah sagala aya. Ti mimiti barang saperti odol, sabun mandi, nepi ka daging, sarupaning...

Bandung Baheula - Bandungan, Warung Asihan, Fikmin Sunda,Cerita pendek Sunda,Cerita pendek bahasa Sunda,seni dan budaya sunda,seni dan sastra sunda

Sastra Sunda: WANOJA NU DATANG KA IMAH

Bandungan Sabtu, 3 April 2021 | 07:16 WIB

Laju cengkat. Kuring kudu ngawangkong jeung Miranti tur nyarita nu saenyana. Tapi manéhna geus teu nyampak di kamar hare...

Bandung Baheula - Bandungan, Sastra Sunda: WANOJA NU DATANG KA IMAH, Cerita pendek Sunda,Cerita pendek bahasa Sunda,cerita pendek Komala Sutha,Carpon Sunda,Carpon Komala Sutha,seni dan budaya sunda,Sastra Sunda

Banjir mah Geus Biasa. Nu Hésé mah Mun Aya nu Maot rék Dikubur di Mana...

Bandungan Kamis, 1 April 2021 | 14:25 WIB

Eféktivitas kolam réténsi Cieunteung jeung torowongan Nanjung can katingali maksimal “atasi” banjir.

Bandung Baheula - Bandungan, Banjir mah Geus Biasa. Nu Hésé mah Mun Aya nu Maot rék Dikubur di Mana?, banjir dayeuhkolot,korban banjir Andir,banjir andir,baleendah banjir,Kolam Retensi Cieunteung

Loba nu Néangan: Tanaman Kupu-Kupu, Begonia Polkadot, Lili Paris, Karp...

Bandungan Rabu, 31 Maret 2021 | 12:46 WIB

Loba nu Néangan: Tanaman Kupu-Kupu, Begonia Polkadot, Lili Paris, Karpét Mérah.

Bandung Baheula - Bandungan, Loba nu Néangan: Tanaman Kupu-Kupu, Begonia Polkadot, Lili Paris, Karpét Mérah. , Tanaman Hias,tanaman hias kupu-kupu,tanaman hias Begonia Polkadot,tanaman hias begonia karpet merah,Taman Begonia
dewanpers