web analytics
  

Panineungan Jalur Karéta Api Bandung-Ciwidey

Selasa, 9 Maret 2021 13:55 WIB Dudung Ridwan
Bandung Baheula - Bandungan, Panineungan Jalur Karéta Api Bandung-Ciwidey, jalur kereta api Bandung-Ciwidey,Reaktivasi KA Bandung-Ciwidey,Reaktivasi Jalur Kereta Jabar,Gubernur Jawa Barat Ridwan Kamil,Kereta api Bandung-Ciwidey

Jambatan Rancagoong (Ayobandung.com)

LENGKONG, AYOBANDUNG.COM

Ciwidey, 1923 …

Juragan Soebagdja inditna ti Hoofbiro Bandoeng muru Ciwidey téh kana karéta api. Karéta api téh jenis kandaraan anyar anu nepungkeun Kota Bandung jeung wewengkon pasisian Bandung tebéh kidul.

Karéta api Bandung-Ciwidey kakara dibuka taun 1921 sabab pamaréntahan kolonial butuh jenis angkutan murah keur ngakutan walirang, entéh, jeung daun tarum ti wewengkon Ciwidey. Lamun diakut kana roda padati, hargana kawilang mahal. Itungan 15 sén tiap beuratna saton, dina jaman harita kaasup mahal.

Hiji-hijina cara sangkan ongkos ngakut karasa murah, saupama ka Ciwidey ogé dibuka jaringan karéta api. Ku jenis angkutan massal mah, ongkos bisa diteken sangkan karasa murah.

Dina émprona, karéta api ogé bisa dimangpaatkeun pikeun ngakut panumpang jalma, sanajan can tangtu keur ngakut masarakat kuricakan. Gerbong panumpang ukur bisa dipaké ku kalangan ménak, boh ménak bangsa Belanda boh ménak bangsa pribumi.

Kutipan éta dicutat tina carita pondok “MIsteri Sripanggung” beunangna Aan Merdeka Permana.

Kang Aan bener antukna pamaréntah Kolonial taun 1921 mutuskeun ngawangun jalur karéta api nu nepungkeun Bandung jeung Ciwidey. Pangwangunan jalur ieu ceunah méakeun beaya nu teu saeutik.

Jalur karéta api nu dijieun mangrupakeun ségmén Bandung–Kopo (Soreang) tuluy diteruskeun ka Ciwidey. Dijieun ogé jalur cabang ti Dayeuhkolot ka Majalaya. Dina verslag nu dijieun ku Staatsspoorwegen, jalur  Bandung–Kopo (Soreang) dibuka 13 Februari 1921, samentara jalur Soreang–Ciwidey 17 Juni 1924.

Jalur ieu teu dimimitian ti emplasemen Stasiun Cikudapateuh, tapi dina pétak jalan antara Stasiun Cikudapateuh jeung Stasiun Kiaracondong. Di tengah pétak ieu aya Stasiun Cibangkonglor.

Ti Halte Cibangkong aya cabang nu ngarah ka Kompi Kavaleri jeung pabrik sanjata Karéés, sedengkeun ti Stasiun Cibangkonglor aya jalur ka Depot Pertamina Bandung.

Hanjakal, jalur karéta api ieu dinonaktifkan taun 1982 alatan teu bisa nyaingan ka mobil pribadi jeung angkutan umum. Tapi, wangunan stasiun araya kénéh, ngan kondisina teu karawat. Malah loba nu ruksak.

Stasiun Banjaran (istimewa)

Asétna dikuasai ku  PT Kereta Api Indonesia, tapi sabagian tanah urut jalurna geus dijadikeun imah.

Kungsi sababaraha jalur aktif di sababaraha titik. Umpamana jalur ka Kavaleri atawa jalur ka Depot Pertamina. Sabagian rél digunakeun nepi ka tengah taun 2000-an jang ngangkut tank ti Pindad ka Kavaleri atawa sabalikna.

Stasiun Soreang (istimewa)

Dina vidéo nu sumebar di grup WhatsApp karéta api Bandung-Ciwidey-- asa waraas bari dimusikan kacapi suling--ngaléwatan jalur-jalur ieu:  Halteu Karéés. Halteu Buahbatu. Walungan Cisangkuy. Jalan Dayeuhkolot. Stasiun Dayeuhkolot. Jambatan Dayeuhkolot. Stasiun Banjaran. Stasiun Soreang. Jambatan Rancagoong Soreang.

Réaktivasi Jalur Kareta Api di Bandung Ciwidey

Réaktivasi jalur karéta api Bandung-Ciwidey kungsi mucunghul basa Ridwan Kamil ngamimitian jadi Gubernur Jawa Barat. Ayana wacana yén konsép warisan kolonial nu ngadopsi transportasi di Indonésa nu pangcocokna basisna rél kudu tetep dipertahankeun.

Jembatan Ciwidey (ayobandung.com)

Sabab, karéta api mangrupakeun alat transportasi massal nu éfisién. Teu loba nyokot jalur. Lebar jalur ngan 4 meter, tapi bisa ngangkut jumlah panumpang loba sarta biayana murah. Salain éta, waktu tempuh kareta api mah leuwih cepet jeung teu ngadampak macet.

Dinas perhubungan kungsi boga rencana ngarévitalisasi jeung ngaaktifkeun deui  jalur-jalur rél kareta api nu kungsi aya. Sajumlah jalur rél karéta api rék diaktifkan atawa direhabilitasi. Ti mimiti jalur Cibatu-Garut-Cikajang, Rancaekek-Jatinangor-Tanjungsari, Banjar-Pangandaran-Cijulang, Cianjur-Sukabumi-Padalarang, kaasup. Bandung-Ciwidey.

Kadieunakeun Gubernur Jawa Barat Ridwan Kamil nétélakeun réaktivasi jalur karéta api (KA) Bandung-Ciwidey teu gampang. Loba pisan tangtanganna ngahirupkeun deui rél-rél nu geus teu fungsi.

Jalur karéta api nu geus teu fungsi loba nu geus dikuasa ku warga jeung ku pabrik. Butuh waktu jang ngajalankeun proyék réaktivasi éta.

Padahal, Menteri Badan Usaha Milik Negara (BUMN) Rini Sumarno  harita (2019) nargetkeun reaktivasi jalur karéta api Bandung-Ciwidey réngsé akhir tahun ieu (201), Ayobandung, 10/3/2019.

Ceuk Rini, réaktivasi jalur karéta api Bandung-Ciwidey keur tahap pametaan. Kakara pemetaan. Jalur kareta Api Bandung-Ciwidey ieu geus loba lahan nu dikuasai ku masarakat. Jadi, kudu aya komunikasi, ceuk Rini harita di Soreang.

Editor: Dudung Ridwan

terbaru

Dongéng Nasruddin Hoja: Jumaahan Poé Kemis

Bandungan Jumat, 16 April 2021 | 09:59 WIB

“Naha Juma’ahan? Pan ayeuna kakara gé poé Kemis? Isuk Juma'ahan mah.” Baturanna ngarasa heran.

Bandung Baheula - Bandungan, Dongéng Nasruddin Hoja: Jumaahan Poé Kemis, dongeng nasruddin hoja,Kisah nasruddin hoja,nasruddin hoja salat jumat hari kamis

5 Macem Korma. Cocok Kanggé Ta’jil

Bandungan Kamis, 15 April 2021 | 14:59 WIB

Korma di Indonésa lolobana didatangkeun ti Timur Tengah.

Bandung Baheula - Bandungan, 5 Macem Korma. Cocok Kanggé Ta’jil, Jenis kurma,Macam kurma,khasiat kurma,kurma,kurma Ajwa

Méngbal Huhujanan

Bandungan Rabu, 14 April 2021 | 15:20 WIB

Isukna, kuring ningali Ema keur ngaberesihan baju kotor jeung sapatu urut kuring méngbal.

Bandung Baheula - Bandungan, Méngbal Huhujanan, Fikmin Sunda,Fiksimini Sunda,ceritap pendek sunda,Carpon Sunda

BULAN DI JERO SUMUR

Bandungan Selasa, 13 April 2021 | 05:52 WIB

Ngagebeg, naha bet aya bulan di jero sumur? Deudeuh teuing, bulan geus tikusruk ka sumur.

Bandung Baheula - Bandungan, BULAN DI JERO SUMUR, Kisah nasruddin hoja,nasruddin hoja dan bulan di dalam sumur,kisah nasruddin hoja basa sunda,carita nasruddin hoja dina basa sunda

Kolek Cau, Bala-Bala, jeung Asinan Ménu Wajib Buka Puasa

Bandungan Senin, 12 April 2021 | 15:34 WIB

Bulan puasa teu bisa dipisahkeun ti nu ngaranna ta’jil. Biasana mah kadahareun nu amis-amis, ti mimiti korma, céndol, si...

Bandung Baheula - Bandungan, Kolek Cau, Bala-Bala, jeung Asinan Ménu Wajib Buka Puasa, Kolak Pisang,Gorengan,bala-bala,asinan sayuran,makanan khas ramadan,Tiga makanan khas Ramadan

Sastra Sunda: RT IDUN

Bandungan Sabtu, 10 April 2021 | 06:11 WIB

KANG IDUN ngalempréh teu walakaya. Beurat awakna tuluy nyirorot. Awakna nu baheula seseg.

Bandung Baheula - Bandungan, Sastra Sunda: RT IDUN, Cerita pendek bahasa Sunda,Carpon Sunda,Carpon Eryandi Dahlan,Sastra Sunda,Bahasa dan Sastra Sunda,Bandungan

Hotél

Bandungan Rabu, 7 April 2021 | 16:00 WIB

Kuring godeg bari nutupkeun panto.

Bandung Baheula - Bandungan, Hotél, fiksimini,Fiksimini Sunda,Cerita pendek bahasa Sunda,Carpon Sunda,Sastra Sunda

Torowongan Sasaksaat. Malem Jumaah jeung Malem Senén Hawana Panas

Bandungan Selasa, 6 April 2021 | 12:11 WIB

Torowongan Sasaksaat Meulah Bukit Cidepok nu ayana di antara Stasion Maswati jeung Stasion Sasaksaat.

Bandung Baheula - Bandungan, Torowongan Sasaksaat. Malem Jumaah jeung Malem Senén Hawana Panas, terowongan terpanjang Indonesia,Terowongan Saaksaat,misteri terowongan sasaksaat,Sejarah terowongan sasak saat

artikel terkait

dewanpers