web analytics
  

Ngadagoan Karéta Léwat di Viaduk Bandung

Kamis, 4 Maret 2021 12:26 WIB Dudung Ridwan
Bandung Baheula - Bandungan, Ngadagoan Karéta Léwat di Viaduk Bandung, sejarah jalan viaduct bandung,sejarah nama jalan viaduct bandung,kisah jalan viaduct bandung,jalan viaduk Bandung,jalan viaduk

sejarah jalan viaduct bandung (Youtube)

BANDUNG, AYOBANDUNG. COM -- Lamun nyaba ka Bandung, tuluy kabeneran naék motor ngaléwat ka Jalan Viaduk, kuring mah sok hayang cicing heula palebah dinya téh. Sok ngareup-ngareup, jol karéta api léwat.

Jeung atuh di Viaduk mah loba téténjoeun—pamandangan nu aréndah. Kahiji, jambatan karéta api di luhur jalan—komo lamun pas aya karéta api ngaléwat mah, malum deukeut ka stasiun, panon téh asa mumul ngiceup satungtung karéta api can ngiles na tuntung panon mah. Sorana khas, ngaguruh.

Di handapna Jalan Viaduk nyambungkeun Jalan Suniaraja ka jalan Braga. Ka béh luhur ngulon ka Jalan Kebon Jukut nu tuluy ka Stasiun Bandung atawa Gedung Pakuan. Ka béh luhur ngétan ka Jalan Péta nu bras ka Balé Kota.

Mun poé Minggu isuk-isuk, Masjid Persis palebah dinya sok ngayakeun pangajian subuh. Bakat ku loba, jamaahna teu katampung di jero masjid. Atuh ngaluber ka jalan. Motor palarkir sisi jalan. Eh, duka teu ka tampung, duka memang hayang ngadangukeun caramah di luar bari ningali pamandangan.

Ka béh luhur ngulon, aya Patung Laswi jeung Tentara Pelajar, aya Monumén Lokomotif, aya Kantor PT KAI nu arsitékturna kelasik, jeung aya Gedung Indonesia Menggugat nu boga sajarah panjang. Di handap aya walungan Cikapundung nu meulah Kota Bandung. Caina ngalir ka kidul najan teu beureusih.

Kusabab pamandanganna alus, Viaduk ieu dijadikeun salah sahiji tempat syuting sinétron “Preman Pensiun”. Tapi, hanjakal dina sinetron ieu, Viaduk jadi markas tempat ngariungna tukang copet Bandung, “Saéf Saparakanca”. Bisa jadi heueuh, saméméh dialus-alus ku pamaréntah kota mah, Viaduk ieu baheulana tempat markasna copét.

Viaduk atawa viaduct mangrupa tihang (kolom) jambatan nu jarakna padeukeut. Kecap viaduct asalna tina basa Latin nu hartina ‘ngaléwatan jalan pikeun ka hiji arah”. Viaduk mangrupakeun tempat di Bandung nu di luhurna jambatan karéta api, di handapna jalan, di handapna deui walungan Cikapundung.

Di Bandung, Viaduk aya dua. Nu kahiji kuloneun Stasiun Bandung di Jalan Pasirkaliki. Nu kadua, di wétaneun Stasiun, nyaéta Jalan Viaduk nu dicaritakeun tadi.

Viaduk nu kahiji di Pasirkaliki diwangun taun 1890-an. Nu kadua, di Kebon Jukut diwangun taun 1939. Viaduk di Kebon jukut nu kasohor mah. Malah geus jadi landmark Kota Bandung.

Editor: Dudung Ridwan

terbaru

Sastra Sunda: KEMBANG HAREPAN

Bandungan Sabtu, 17 April 2021 | 09:49 WIB

“Tos ti wangkid ayeuna mah tong aya Nina di dieu, Kang. Urang nataan deui kahirupan anyar.”

Bandung Baheula - Bandungan, Sastra Sunda: KEMBANG HAREPAN, Sastra Sunda,Bahasa dan Sastra Sunda,cerita pendek nina rahayu nadea,Carpon Sunda,Bandungan

Dongéng Nasruddin Hoja: Jumaahan Poé Kemis

Bandungan Jumat, 16 April 2021 | 09:59 WIB

“Naha Juma’ahan? Pan ayeuna kakara gé poé Kemis? Isuk Juma'ahan mah.” Baturanna ngarasa heran.

Bandung Baheula - Bandungan, Dongéng Nasruddin Hoja: Jumaahan Poé Kemis, dongeng nasruddin hoja,Kisah nasruddin hoja,nasruddin hoja salat jumat hari kamis

5 Macem Korma. Cocok Kanggé Ta’jil

Bandungan Kamis, 15 April 2021 | 14:59 WIB

Korma di Indonésa lolobana didatangkeun ti Timur Tengah.

Bandung Baheula - Bandungan, 5 Macem Korma. Cocok Kanggé Ta’jil, Jenis kurma,Macam kurma,khasiat kurma,kurma,kurma Ajwa

Méngbal Huhujanan

Bandungan Rabu, 14 April 2021 | 15:20 WIB

Isukna, kuring ningali Ema keur ngaberesihan baju kotor jeung sapatu urut kuring méngbal.

Bandung Baheula - Bandungan, Méngbal Huhujanan, Fikmin Sunda,Fiksimini Sunda,ceritap pendek sunda,Carpon Sunda

BULAN DI JERO SUMUR

Bandungan Selasa, 13 April 2021 | 05:52 WIB

Ngagebeg, naha bet aya bulan di jero sumur? Deudeuh teuing, bulan geus tikusruk ka sumur.

Bandung Baheula - Bandungan, BULAN DI JERO SUMUR, Kisah nasruddin hoja,nasruddin hoja dan bulan di dalam sumur,kisah nasruddin hoja basa sunda,carita nasruddin hoja dina basa sunda

Kolek Cau, Bala-Bala, jeung Asinan Ménu Wajib Buka Puasa

Bandungan Senin, 12 April 2021 | 15:34 WIB

Bulan puasa teu bisa dipisahkeun ti nu ngaranna ta’jil. Biasana mah kadahareun nu amis-amis, ti mimiti korma, céndol, si...

Bandung Baheula - Bandungan, Kolek Cau, Bala-Bala, jeung Asinan Ménu Wajib Buka Puasa, Kolak Pisang,Gorengan,bala-bala,asinan sayuran,makanan khas ramadan,Tiga makanan khas Ramadan

Sastra Sunda: RT IDUN

Bandungan Sabtu, 10 April 2021 | 06:11 WIB

KANG IDUN ngalempréh teu walakaya. Beurat awakna tuluy nyirorot. Awakna nu baheula seseg.

Bandung Baheula - Bandungan, Sastra Sunda: RT IDUN, Cerita pendek bahasa Sunda,Carpon Sunda,Carpon Eryandi Dahlan,Sastra Sunda,Bahasa dan Sastra Sunda,Bandungan

Hotél

Bandungan Rabu, 7 April 2021 | 16:00 WIB

Kuring godeg bari nutupkeun panto.

Bandung Baheula - Bandungan, Hotél, fiksimini,Fiksimini Sunda,Cerita pendek bahasa Sunda,Carpon Sunda,Sastra Sunda
dewanpers