web analytics
  

Nu Ceurik Lebah Péngkolan

Rabu, 24 Februari 2021 14:34 WIB Dudung Ridwan
Bandung Baheula - Bandungan, Nu Ceurik Lebah Péngkolan, fiksimini,Fiksimini Sunda,Bahasa dan Sastra Sunda,seni dan budaya sunda

Bulan senja. (Pixabay)

BULAN kolot. Tilu poé deui ka gajihan. Béas geus korédas. Duit tilu puluh rébu deui.

Rék reup magrib, horéam gé Elis indit ka warung sabab teu jongjon ari can boga sangu mah—bisi Kang Marwan kaburu datang.

Jalan bécék urut hujan tadi soré. Mun teu ati-ati mah bisa ngagedebut labuh.

Di warung si Tante aya si Kokom, budak Ceu Isah—tukang buburuh nyeuseuh—keur nganjuk béas. Budak kelas lima ésdé téh baeud wé pédah digerendeng ku si Tante.

“Bilangin ke Emak kamu, ga bisa ngambil sekilo mah. Hutang Emak kamu masih banyak. Ku saya dikasih satengah kilo, ya?” ceuk si Tante.

Budak nu teu boga dosa téh ukur unggeuk bari siga nahan ceurik. Geus narima kérésék hideung mah si Kokom tuluy balik.

Elis meuli béas sakilo, endog saparapat, minyak kalapa saparapat, jeung tahu sabungkus. Tina tilu puluh rébu téh ngan ukur pulangan sarébu.

Balik deui wé da sieun kaburu Magrib.

Lebah péngkolan, kasampak ku Elis si Kokom keur cingogo bari ceurik. Leungeunna mulungan béas nu ngalayah dina taneuh bécék. Tayohna manéhna labuh. Bajuna kotor.

Deudeuh teuing, Gusti.

Elis ngupahan Kokom. ”Geus wéh tong dipulungan. Tong bébéja ka si Ema, yeuh digantian ku Bi Elis.”

Béas sakilo téh diduakeun. Kokom atoh. Ceurikna jempé.

Terus balik.

Elis ngabayangkeun kacida dicarékanna Kokom ku Nyi Isah mun mawa béas kotor. “Gusti, geuning aya nu leuwih ripuh batan kuring,” gerentes Elis.

Saméméh Isa, Kang Marwan datang. Terus rasa, di motorna aya béas satengah karung. Di kérésék hideung aya goréng lauk nila meni garing tur garedé naker.

“Tadi nyimpang ka Bapa heula. Geus panén cenah. Dibahanan béas, kakara ngagiling,” ceuk Kang Marwan.

Saméméh dahar babarengan, Elis misahkeun béas tina karung ka kérésék hideung. Di luhurna ditumpangan dua siki goréng lauk nila dibungkus keretas koran.

“Jalu, wayahna anteurkeun heula ieu ka Nyi Isah. Ti Ema kituh. Mun teu dianteurkeun, Ema bisi dosa,” ceuk Elis.

Si Jalu unggeuk.

Editor: Dudung Ridwan

terbaru

5 Macem Korma. Cocok Kanggé Ta’jil

Bandungan Kamis, 15 April 2021 | 14:59 WIB

Korma di Indonésa lolobana didatangkeun ti Timur Tengah.

Bandung Baheula - Bandungan, 5 Macem Korma. Cocok Kanggé Ta’jil, Jenis kurma,Macam kurma,khasiat kurma,kurma,kurma Ajwa

Méngbal Huhujanan

Bandungan Rabu, 14 April 2021 | 15:20 WIB

Isukna, kuring ningali Ema keur ngaberesihan baju kotor jeung sapatu urut kuring méngbal.

Bandung Baheula - Bandungan, Méngbal Huhujanan, Fikmin Sunda,Fiksimini Sunda,ceritap pendek sunda,Carpon Sunda

BULAN DI JERO SUMUR

Bandungan Selasa, 13 April 2021 | 05:52 WIB

Ngagebeg, naha bet aya bulan di jero sumur? Deudeuh teuing, bulan geus tikusruk ka sumur.

Bandung Baheula - Bandungan, BULAN DI JERO SUMUR, Kisah nasruddin hoja,nasruddin hoja dan bulan di dalam sumur,kisah nasruddin hoja basa sunda,carita nasruddin hoja dina basa sunda

Kolek Cau, Bala-Bala, jeung Asinan Ménu Wajib Buka Puasa

Bandungan Senin, 12 April 2021 | 15:34 WIB

Bulan puasa teu bisa dipisahkeun ti nu ngaranna ta’jil. Biasana mah kadahareun nu amis-amis, ti mimiti korma, céndol, si...

Bandung Baheula - Bandungan, Kolek Cau, Bala-Bala, jeung Asinan Ménu Wajib Buka Puasa, Kolak Pisang,Gorengan,bala-bala,asinan sayuran,makanan khas ramadan,Tiga makanan khas Ramadan

Sastra Sunda: RT IDUN

Bandungan Sabtu, 10 April 2021 | 06:11 WIB

KANG IDUN ngalempréh teu walakaya. Beurat awakna tuluy nyirorot. Awakna nu baheula seseg.

Bandung Baheula - Bandungan, Sastra Sunda: RT IDUN, Cerita pendek bahasa Sunda,Carpon Sunda,Carpon Eryandi Dahlan,Sastra Sunda,Bahasa dan Sastra Sunda,Bandungan

Hotél

Bandungan Rabu, 7 April 2021 | 16:00 WIB

Kuring godeg bari nutupkeun panto.

Bandung Baheula - Bandungan, Hotél, fiksimini,Fiksimini Sunda,Cerita pendek bahasa Sunda,Carpon Sunda,Sastra Sunda

Torowongan Sasaksaat. Malem Jumaah jeung Malem Senén Hawana Panas

Bandungan Selasa, 6 April 2021 | 12:11 WIB

Torowongan Sasaksaat Meulah Bukit Cidepok nu ayana di antara Stasion Maswati jeung Stasion Sasaksaat.

Bandung Baheula - Bandungan, Torowongan Sasaksaat. Malem Jumaah jeung Malem Senén Hawana Panas, terowongan terpanjang Indonesia,Terowongan Saaksaat,misteri terowongan sasaksaat,Sejarah terowongan sasak saat

Asmarandana Heubeul Isuk

Bandungan Senin, 5 April 2021 | 16:41 WIB

Asmarandana Heubeul Isuk

Bandung Baheula - Bandungan, Asmarandana Heubeul Isuk, Fiksimini Sunda,fiksimini,Cerita pendek bahasa Sunda,Carpon Sunda,seni dan budaya sunda
dewanpers