web analytics
  

Inohong Sunda Nyebut "Kalemahan" jeung "Kakuatan" Urang Sunda

Senin, 22 Februari 2021 14:28 WIB Redaksi AyoBandung.Com
Bandung Baheula - Bandungan, Inohong Sunda Nyebut "Kalemahan" jeung "Kakuatan" Urang Sunda, watak asli orang Sunda,kelemahan orang Sunda,Gotong Royong,Ramah,karakter orang Sunda,Bageur teuing,Popong Otje Djundjunan,Uu Ruzhanul Ulum,Aang Hamid Suganda

Ilustrasi rumah adat Sunda (Pixabay/Panji Arista)

BANDUNG, AYOBANDUNG.COM – Tilu inohong Sunda, anggota DPR RI Popong Otje Djundjunan; Wakil Gubernur Jawa Barat, Uu Ruzhanul Ulum; jeung politisi PDI P Aang Hamid Suganda, dina waktu jeung acara nu béda kungsi cumarita ngenaan "kalemahan” jeung “kakuatan” urang Sunda.

Ceuk Ceu Popong, penting nganyahokeun kalemahan diri sorangan méh apal naon baé nu kudu diomékeun.

Redaksi Ayobandung.com ngarangkum téma ieu tina sababaraha tulisan nu kungsi dimuat di Ayobandung.com:


Ceuk Ceu Popong Otje Djundjunan

Urang Sunda mah ka sasaha sok bageur teuing. Lantaran bageur teuing, jadi kaleuleuwihi nu antukna jadi goréng.

"Kalemahan urang Sunda mah bageur teuing. Atuh, lamun bageur teuing mah, jadi matak goréng. Pinter teuing, matak teu kaudag ku batur. Geulis teuing, matak lieur batur. Jadi, tong maké ‘teuing’," ceuk Ceu Popong.

Ceu Popong nétélakeun, penting nganyahokeun kalemahan diri sorangan méh jadi apal naon nu kudu diomékeun. 

"Sabenerna simpel pisan. Satiap suku boga karakter sorangan-sorangan. Jadi, ku Allah Swt. geus diatur satiap suku boga kakurangan jeung kaleuwihan. Teu aya sukubangsa nu sampurna," ceuk Ceu Popong.

Kukituna, Ceu Popong ngaku sok maké kabaya waé di satiap kasempetan nepi ka kiwari. Alesanna sabagai ihtiar ngalestarikeun budaya Sunda.

Sabab, ceuk Ceu Popong, jang ngajaga kalestarian budaya Sunda nu pangbabarina nyaéta ku ngalestarikeun budayana, basana, busanana, kadahareunna, jeung adat istiadatna.

"Atuh, abdi mah urang Sunda. Lain pamajikan Donald Trump. Getih Sunda ngalir tina tuntung buuk nepi ka tungtung suku," ceuk Ceu Popong. 


Ceuk Uu Ruzhanul Ulum

Wakil Gubernur Jawa Barat Ruzhanul Ulum, nalingakeun hiji survéy nu nyebutkeun aya tilu karakter urang Sunda

Nu kahiji, ceuk Uu, sasaha gé pada apal, urang Sunda mah kasohor ku karamahan jeung kasoméahanna. Hadé basa, alus budi. Laku lampahna kataji.

Nu kadua, urang Sunda mah narima saha waé nu datang ka tanah Sunda. Teu ningali agama, suku, atawa warna kulit. “Lamun rék ningali miniatur Indonésa, tingali wé Jawa Barat. Sabab, di Jawa Barat sakabéh suku ampir aya.”

Katilu, urang Sunda sohor ku sifat gotong royongna. Sifat ta’awunna kakoncara. Sok silih tulungan. Silih asih, silih asah, jeung silih asuh.

Ceuk Uu, pasipatan éta bisa dibuktikeun sacara politik. Loba politikus nu nyalon jadi anggota DPRD, DPRD provinsi, atawadi DPR pusat. Sanajan maranéhna lain urang Sunda, loba wé nu kapilih.

Tapi, teu saeutik ogé urang Sunda nu nyalon, tapi teu kapilih. Kukituna urang  Sunda mah teu panatik ku suku.

“Ieu bukti urang Sunda boga karakter nu hébat. Boga jiwa negarawan. Boga jiwa nasionalisme, patriotisme, jeung kabangsaan nu teu pandang bulu. Saha waé nu hayang ‘berkiprah’--asal boga kamampuh jeung cakap—jang urang Sunda teu jadi masalah,” ceuk Uu.

Ngan, ceuk Uu, urang Sunda, kurang wani dina “bersikap” jeung kurang wani dina ngaléngkah.

Buktina penduduk Jawa Barat lobana 50 juta, tapi daerah otonomna ngan boga  27.  Samentara provinsi lain pendudukna kurang ti 50 juta, tapi daérah otonomna leuwih loba.


Ceuk Aang Hamid Suganda

Ceuk  Politisi PDI Perjuangan Aang Hamid Suganda, urang Sunda kudu sumanget milu aub dina perpolitikan di tanah air. 

Masarakat Jabar, utamana urang Sunda, kudu sadar pisan aya konsékuénsi politik dina pangwangunan di Jawa Barat. 

Kukituna, urang Sunda kudu aktif dina perjuangan politik sarta seléktif dina milih calon pamingpin politik. 

“Ki Sunda tong hayang jadi panongton dina perhelatan politik, tetapi kudu miluan aktif dina kompétisi politik. Kuring hayang negeskeun yén politik téh stratégis. Pangwangunan nu dirasakeun ku masarakat ieu téh hasil kabijakan politik,” ceuk Aang Hamid.

Editor: Dudung Ridwan

terbaru

Kampung Cikalang Kaler Istikomah Nyieunan “Panci” di Jaman “Rice Cooke...

Bandungan Kamis, 25 Februari 2021 | 12:53 WIB

Lain saukur kiwari wungkul, utamana RW 7 Kampung Cikalang, sohor sok nyieunan parabot rumah tangga, tapi kagiatan ieu ge...

Bandung Baheula - Bandungan, Kampung Cikalang Kaler Istikomah Nyieunan “Panci” di Jaman “Rice Cooker”, perajin panci kampung cikalang kaler,Panci Tradisional,Panci,alat dapur tradisional Sunda,perajin panci

Nu Ceurik Lebah Péngkolan

Bandungan Rabu, 24 Februari 2021 | 14:34 WIB

Lebah péngkolan, kasampak si Kokom keur cingogo bari ceurik. Leungeunna mulungan béas nu ngalayah dina taneuh bécék.

Bandung Baheula - Bandungan, Nu Ceurik Lebah Péngkolan, fiksimini,Fiksimini Sunda,Bahasa dan Sastra Sunda,seni dan budaya sunda

Lain Hasil Munjung, Sajumlah Warga di Dua Désa Ieu Ngadadak Beunghar

Bandungan Selasa, 23 Februari 2021 | 16:38 WIB

Sajumlah warga meunang kompénsasi rata-rata Rp8 miliar. Atuh nu baroga duit langsung mareuli mobil.

Bandung Baheula - Bandungan, Lain Hasil Munjung, Sajumlah Warga di Dua Désa Ieu Ngadadak Beunghar, Warga Tuban mendadak kaya,Bendungan Kuningan,Kilang minyak tuban,Warga Kuningan mendadak kaya,Proyek kilang minyak Tuban

Inohong Sunda Nyebut "Kalemahan" jeung "Kakuatan" Urang Sunda

Bandungan Senin, 22 Februari 2021 | 14:28 WIB

Ceuk Ceu Popong, penting nganyahokeun kalemahan diri sorangan méh apal naon baé nu kudu diomékeun.

Bandung Baheula - Bandungan, Inohong Sunda Nyebut "Kalemahan" jeung "Kakuatan" Urang Sunda, watak asli orang Sunda,kelemahan orang Sunda,Gotong Royong,Ramah,karakter orang Sunda,Bageur teuing,Popong Otje Djundjunan,Uu Ruzhanul Ulum,Aang Hamid Suganda

Présidén Joko Widodo Ngawilujengkeun Miéling Poé Basa Indung

Bandungan Minggu, 21 Februari 2021 | 20:00 WIB

Sabab, ceuk Darpan, lamun leungit basana bakal leungit bangsana.

Bandung Baheula - Bandungan, Présidén Joko Widodo Ngawilujengkeun Miéling Poé Basa Indung, hari bahasa ibu internasional,Presiden Joko Widodo,Poe Basa Indung Internasional,Lembaga Basa jeung Sastra Sunda,Bahasa Sunda

Sastra Sunda: RÈPORTASEU IBLIS

Bandungan Sabtu, 20 Februari 2021 | 08:26 WIB

Kota Bandung moal tigerat ku cai. Sabab wakil rayat, pausahaan daérah, jeung pajabat Kota Bandung geus diajar ka Médan....

Bandung Baheula - Bandungan, Sastra Sunda: RÈPORTASEU IBLIS, Cerita pendek bahasa Sunda,Sastra Sunda,Bahasa dan Sastra Sunda,Carpon Sunda,Carpon Cecep Burdansyah,carpon,cerpen Sunda,seni dan budaya sunda

Ti Baheula Urang Tionghoa Pinter Dagang

Bandungan Jumat, 19 Februari 2021 | 16:09 WIB

Di jaman kolonial geus lain jadi rusiah urang pribumi leuwih deukeut ka urang Tionghoa dibandingkeun ka urang Eropah.

Bandung Baheula - Bandungan, Ti Baheula Urang Tionghoa Pinter Dagang, Tionghoa Bandung,sejarah tionghoa di Bandung,Trik dagang tionghoa,sejarah,sejarah tionghoa zaman kolonial

“Saloka”, “Tamara” Katingalina Asing, padahal Kecap Asli Sunda Kuno

Bandungan Rabu, 17 Februari 2021 | 15:26 WIB

Dina basa Sunda, “saloka” hartina “umpama” atawa “ibarat”, sedengkeun “tamara” hartina “gamelan”.

Bandung Baheula - Bandungan, “Saloka”, “Tamara” Katingalina Asing, padahal Kecap Asli Sunda Kuno, Nama Bayi dalam Bahasa Sunda,Nama Bayi,Nama Bayi Eksotis,Arya Saloka,saloka,Tamara Bleszynski,tamara geraldine

artikel terkait

dewanpers