web analytics
  

Opat Carita Cinta Sunda nu Nyentug kana Manah

Selasa, 26 Januari 2021 10:30 WIB Dudung Ridwan
Bandung Baheula - Bandungan, Opat Carita Cinta Sunda nu Nyentug kana Manah, surat cinta pendek bahasa Sunda,Fiksimini Sunda,surat cinta bahasa Sunda,carita cinta pendek bahasa Sunda,carita pendek cinta bahasa Sunda

Merpati pengantar surat. (Pixabay)

AYOBANDUNG.COM -- Redaksi Ayobandung.com mangmilihkeun opat carita cinta bahasa Sunda. Ngahaja teu panjang teuing méh gampang macana.

1. From Cihanjuang with Love

INGET basa ninggalkeun anjeun sababaraha taun ka tukang. Da bongan anjeun teu méré isarah nu jelas. Atawa mémang anjeun can déwasa?

Peuting-peuting balik ti Cihanjuang, handapeun sutét, numpak motor astréa 800 kalayan haté teu puguh: nungguan anjeun atawa nyorang si tétéh nu di Majalaya?

Haté terus buleud muru ka lebah wétan. Ayeuna anjeun muncul di fb—méré harepan—terus chatting: “Kang, damang?”

“Pangésto.”

“Abdi galau.”

“Galau ku naon? Pan aya si Aa?”

“Si Aa teu satia. Tos 3 sasih papirak. Ieu no hp abdi....”

“Akaaang…!” sora pamajikan ti handap.

“Maén facebook waé! Ieu bantuan nyeuseuh!”

Facebook di-sign out.

“Enya, enya. Ké sakedap...,” témbal kuring. Kuring gura-giru turun.]

 

2. Surat Cinta

CUNDUK waktu. Ninggang mangsa. Geus waktuna surat-surat cinta ieu ninggalkeun tempatna. Welasan tahun aya na laci lomari. Dipusti-pusti.

Elis ngaluarkeun puluhan surat. Mawa korék ka dapur. Dibawa ka pipir. Cingogo hareupeun kumpulan surat.

Panasaran, amplop kayas gambar love nu pangahirna ditarima ku manéhna dibuka. Jerona kertas kayas:

Anjeun na jero haté
Anjeun na kongkolak panon
Bulan saksina
Nepi ka iraha gé, kuring moal ninggalkeun anjeun.

Marwan

Cuh! Elis nyiduh. “Bulan ti ucing!” pokna.

Kertas kayas dirames. Cekés, korék api dihurungkeun.

Teu lila mangpuluh surat jadi areng. Rébuan kecap kaasih jadi haseup. Nyambuang ka langit.

Elis balik deui ka kamar. Ka laci tempat ratusan surat cinta tadi manéhna ngasupkeun hiji surat: surat cerai ti Kang Marwan.[]

 

3. Sirkuit Cinta

SISI can lila bobogohan jeung Rifat, jago réli nasional.

Ngaranna gé tukang balap, cara bobogohan Rifat teu romantis. Garing. Kaku.

Sanajan kitu, pikeun Sisi mah reueus wé boga kabogoh ka jago réli nasional.

Hiji waktu Sisi maturan kabogohna latihan di sirkuit. “Si, tos nyobian numpak mobil Subaru dengan kecepatan 250 km per jam?” Rifat nanya.

“Teu acan, A,” ceuk Sisi.

“Sok naék.”

Sisi mukakeun panto mobil Subaru Rifat. Clak diuk gigireun Rifat.

Mobil digerung-gerung. Haseup jeung kebul pagalo nyambuang tukangeun mobil.

“Tong hilap sabukna anggé.”

Sisi unggeuk.

“Siap?”

Sisi unggeuk deui.

Mobil Subaru ngabelesat.

Sisi ngocéak, “Rifaaat…!”

Jajantung Sisi asa eureun. Leungeunna tipepereket nyekel jok.

“Rifaaat…!”

Ngan dua menit. Mobil eureun bari muter.

Sisi ngaleketey. Palebah jokna aya nu baseuh.

 

4. Asmarandana Heubeul Isuk

NGUMBARA kuring téh kungsi.
Di kacamatan Soréang.
Di jalan raya Ciwidéy.
Imah téh dina mumunggang handapeun tangkal kiara.
Ngaran lembur Heubeul Isuk.
Katelah beurang sok elat.
Tiris kénéh énjing-énjing.
Sareng langit henteu béngras.
Teu katingal srangéngé.
Reueuk sanés badé hujan.
Awun-awun.
Ngahalangan.
Jarum jam tos angka tujuh.
Tapi geuningan can caang.

Kataji ku asmarandana “Heubeul Isuk” nu dimuat di hiji blog, kuring ngajugjug—mawa kaméra—ka Soréang.

Maké motor. Peuting-peuting. Hoyong nyobaan isuk-isuk di Heubeul Isuk sakalian rék niat nyieun reportasena.

Mondok di imah Pa RT nu kacida bageur.

Subuh-subuh hudang. Bari diharudum sarung. Cingogo di tepas imah panggung. Bari ngelepus ngaroko.

Lamping dibungkus halimun. Di handapna jambatan karéta api jaman baheula.

Néng Elis, anu randa, putra Pa RT, ngasongkeun cikopi panas jeung goréng pisang.

Teras anjeunna maturan ngobrol ngalér ngidul.

Nyaan di Heubeul Isuk poho ka beurang. Poho ka pamajikan.[]

Editor: Dudung Ridwan

terbaru

Dalang Wayang Golék Saméméh “Dinasti" Dalang Sunarya

Bandungan Selasa, 2 Maret 2021 | 16:07 WIB

Lamun diukur ku taun, kajayaan Dinasti Sunarya geus lumangsung kira-kira 3/4 abad.

Bandung Baheula - Bandungan, Dalang Wayang Golék Saméméh “Dinasti" Dalang Sunarya, Wayang Golek,Sejarah wayang golek,Dalang Wayang Golek,Dinasti dalang Sunarya,Dalang Sunarya,Asep Sunandar Sunarya

Nyeri Haté sok Dibanding-banding waé, ART Mergasa Dunungannana

Bandungan Senin, 1 Maret 2021 | 14:52 WIB

Ratna ngarékayasa kajadian éta saolah-olah geus aya rampok ka imah dununganna.

Bandung Baheula - Bandungan, Nyeri Haté sok Dibanding-banding waé, ART Mergasa Dunungannana, ART bunuh majikannya,Pembunuhan di Buahbatu,Tersangka rekayasa seolah ada perampokan,Kapolrestabes Bandung Kombes Pol Ulung Sampurna Jaya

Misteri Sripanggung

Bandungan Sabtu, 27 Februari 2021 | 06:35 WIB

Ti dieu kakara nyaynyayan. Yén bisa jadi nu sok ngajungjujurigan mah sripanggung nu heubeul. Nyi Suminar mah leungitna c...

Bandung Baheula - Bandungan, Misteri Sripanggung, Sastra Sunda,Bahasa dan Sastra Sunda,Cerita pendek Sunda,Carpon Sunda,Bandungan,seni dan budaya sunda,Aan Merdeka Permana

Dusun Bambu Ngoléksi Janda Bolong (Monstera Obliqua). Hargana Ampir 1...

Bandungan Jumat, 26 Februari 2021 | 15:20 WIB

Dina Galery Flora nu luasna 800 meter persegi ieu aya rébuan jenis koléksi tanaman hias sultan.

Bandung Baheula - Bandungan, Dusun Bambu Ngoléksi Janda Bolong (Monstera Obliqua). Hargana Ampir 1 Miliar, Janda Bolong,harga janda bolong,Tanaman Hias,Dusun Bambu,Dusun Bambu lembang,Monstéra Obliqua,Galery Flora Dusun Bambu

Kampung Cikalang Kaler Istikomah Nyieunan “Panci” di Jaman “Rice Cooke...

Bandungan Kamis, 25 Februari 2021 | 12:53 WIB

Lain saukur kiwari wungkul, utamana RW 7 Kampung Cikalang, sohor sok nyieunan parabot rumah tangga, tapi kagiatan ieu ge...

Bandung Baheula - Bandungan, Kampung Cikalang Kaler Istikomah Nyieunan “Panci” di Jaman “Rice Cooker”, perajin panci kampung cikalang kaler,Panci Tradisional,Panci,alat dapur tradisional Sunda,perajin panci

Nu Ceurik Lebah Péngkolan

Bandungan Rabu, 24 Februari 2021 | 14:34 WIB

Lebah péngkolan, kasampak si Kokom keur cingogo bari ceurik. Leungeunna mulungan béas nu ngalayah dina taneuh bécék.

Bandung Baheula - Bandungan, Nu Ceurik Lebah Péngkolan, fiksimini,Fiksimini Sunda,Bahasa dan Sastra Sunda,seni dan budaya sunda

Lain Hasil Munjung, Sajumlah Warga di Dua Désa Ieu Ngadadak Beunghar

Bandungan Selasa, 23 Februari 2021 | 16:38 WIB

Sajumlah warga meunang kompénsasi rata-rata Rp8 miliar. Atuh nu baroga duit langsung mareuli mobil.

Bandung Baheula - Bandungan, Lain Hasil Munjung, Sajumlah Warga di Dua Désa Ieu Ngadadak Beunghar, Warga Tuban mendadak kaya,Bendungan Kuningan,Kilang minyak tuban,Warga Kuningan mendadak kaya,Proyek kilang minyak Tuban

Inohong Sunda Nyebut "Kalemahan" jeung "Kakuatan" Urang Sunda

Bandungan Senin, 22 Februari 2021 | 14:28 WIB

Ceuk Ceu Popong, penting nganyahokeun kalemahan diri sorangan méh apal naon baé nu kudu diomékeun.

Bandung Baheula - Bandungan, Inohong Sunda Nyebut "Kalemahan" jeung "Kakuatan" Urang Sunda, watak asli orang Sunda,kelemahan orang Sunda,Gotong Royong,Ramah,karakter orang Sunda,Bageur teuing,Popong Otje Djundjunan,Uu Ruzhanul Ulum,Aang Hamid Suganda
dewanpers