web analytics
  

Deudeuh Teuing, Saung Angklung Udjo Rék Tutup

Senin, 25 Januari 2021 15:28 WIB Redaksi AyoBandung.Com
Bandung Baheula - Bandungan, Deudeuh Teuing, Saung Angklung Udjo Rék Tutup, Saung Angklung Udjo,Saung Angklung Udjo tutup,Dinas Kebudayaan dan Pariwisata (Disbudpar) Kota Bandung,Seni Sunda angklung,Sastra dan Seni Sunda

Kagiatan di Saung Angklung Udjo. (Arfian)

LENGKONG, AYOBANDUNG.COM – Asa matak hanjelu jeung ngahanjakalkeun ngadangu warta Saung Angklung Udjo di Padasuka, Kota Bandung, Bandung, rék bangkrut. Nyaan éta warta téh? Aslina? Ngan saret bisa ngomong kitu wé da asa teu percaya.

Tapi, kétang ari jaman keur sasalad kieu mah euweuh nu teu mungkin. Loba pausahaan nu leuwih gedé batan Saung Angklung Udjo gé loba nu bangkrut. Komo deui ieu usahana ngandeulkeun kana kadatangan turis—boh turis lokal atawa turis asing.

“Enya ceunah. Saung Udjo geus teu aktif ti bulan Maret 2020 kénéh—maksudna jumlah tamuna teu normal siga biasa. Biasana mah tamu datang nu ka dieu téh sapoéna 2.000 urangan an. Tapi, ayeuna mah 20 urang sapoé gé can tangtu,” ceuk Direktur Saung Angklung Udjo, Taufik Hidayat basa dikonfirmasi, Jumaah, (22/1/2021).

Taufik nétélakeun, pamasukan di usum sasalad Covid 19 ieu dijendol pisan. Béda jeung pangaluaran nu kudu aya waé--teu meunang henteu--nepi ka ratusan juta. Lian ti éta, manajemen kudu malikkeun dépé nu geus dipesen ka konsumén tina duit kas.

Pertunjukan di Saung Angklung Udjo saat sebelum pandemi. (cushtravel.com)

“Lain ngan saukur seni pertunjukkan. Muka wedding gé kabatas. Aya paraturan anyar, teu meunang ruang ruing. Atuh, di-cancel deui. Padahal manajemén geus invéstasi infrastruktur,” ceuk Taufik.

Taufik nyebutkeun, pihakna gé geus satékah polah ngajaga supaya pagawé jeung barudak di Saung Angklung Udjo teu ngalanggur ku tetep méré palatihan ka maranéhna. Ayeuna aya 60 pagawé nu dilibatkeun, padahal dina kondisi normal mah kagiatan nu kieu téh bisa ngajakan ka 600 nepi ka 1.000 urang.

Taufik miharep, pamaréntah atawa masarakat nu boga perhatian ka Saung Angklung Udjo bisa miluan ngabantu mertahankeun sangkan Saung Angklung Udjo terus éksis. “Nya, paling henteu, Saung Angklung Udjo bisa bertahan salila 6 bulan ka hareup lah,” ceuk Taufik.

Pamaliharaan, palatihan, jeung révitalisasi tetep kudu dilakukeun. Gedéna sakitar Rp 6 miliar jang genep bulan ka hareup. Mudahan-mudahan, kahareupna kaayaan  leuwih alus. Jadi, pas tamu daratang, kondisi Saung Angklung Udjo geus siap.

Taufik ngaku, manéhna geus dihubungi ku pihak Wali Kota jeung Gubernur Jabar. “Ngan, can aya solusi pakait jeung pasualan dana,” pokna.

Komén ti Disbudpar Kota Bandung

Kepala Dinas Kebudayaan dan Pariwisata (Disbudpar) Kota Bandung Dewi Kania Sari nétélakeun, Pemkot Bandung teu boga dana langsung jang ngabantu ka  Saung Angklung Udjo. Tapi, Pemkot Bandung gumajak ka pangurus Saung Udjo sangkan ngalakukeun inovasi néangan sumber-sumber dana lain, ogé ku cara nyiptakeun kagiatan baru.

Kepala Disbudpar Bandung Dewi Kaniasari (Ayobandung.com/Nur Khansa)

"Disbudpar teu boga dana," ceuk Dewi basa dikonfirmasi, Minggu (24/1/2021).

Ceuk Dewi , sasalad Covid-19 lain ngan saukur ngadampak ka Saung Angklung Udjo wungkul, tapi ogé ka sakabéh palaku usaha pariwisata kaasup, hotél, réstoran, jeung seniman.

"Sakabéh déstinasi wisata geus 60% kadampak. Saung Angklung Udjo kadampak alatan tamuna nyaeutikan. Ayeuna mah koncina kudu sabar jeung bersyukur," ceuk Dewi.

Dewi nyebutkeun, Pemkot Bandung geus ngupayakeun ti 2020 kénéh ngaréalokasi anggaran ka pihak-pihak nu kadampak Covid-19 di widang kabudayaan jeung pariwisata. Salah sahijina ngalobakeun kagiatan sawalamaya.

"Kudu ngayakeun inovasi. Urang teu nyaho nepi ka iraha sasalad Covid-19 ieu," pokna.

Ceuk Dewi, sanajan memang teu gampang pikeun Saung Angklung Udjo nganata ulang fokus kegiatan jang ngaminimalisasi pangaluaran. Disbudpar Pemkot Bandung ogé terus ngupayakeun teu ka Saung Angklung Udjo wungkul, tapi sacara umum ka industri pariwisata di Bandung.

Sajarah Saung Angklung Udjo

Saung Angklung Udjo nanjeur taun 1964. Mimitina mah sang seniman kahot Udjo Ngalagena jeung istrina, Uum Sumiati, boga cita-cita ngembangkan seni tradisional. Seni anu khusus mokuskeun kana tilu unsur: barudak leutik, alam, jeung seni kalawan maké alunan angklung.

Beuki dieu Saung Angklung Udjo beuki kakoncara. Sohorna lain ukur di Indonésa, tapi ogé nepi ka mancanagara.

(Tingali oge, AyoBandung.com. “Terdampak Pandemi, Saung Udjo Terancam Tutup”, Minggu, 24/1/2021)

 

Editor: Dudung Ridwan

terbaru

Nu Ceurik Lebah Péngkolan

Bandungan Rabu, 24 Februari 2021 | 14:34 WIB

Lebah péngkolan, kasampak si Kokom keur cingogo bari ceurik. Leungeunna mulungan béas nu ngalayah dina taneuh bécék.

Bandung Baheula - Bandungan, Nu Ceurik Lebah Péngkolan, fiksimini,Fiksimini Sunda,Bahasa dan Sastra Sunda,seni dan budaya sunda

Lain Hasil Munjung, Sajumlah Warga di Dua Désa Ieu Ngadadak Beunghar

Bandungan Selasa, 23 Februari 2021 | 16:38 WIB

Sajumlah warga meunang kompénsasi rata-rata Rp8 miliar. Atuh nu baroga duit langsung mareuli mobil.

Bandung Baheula - Bandungan, Lain Hasil Munjung, Sajumlah Warga di Dua Désa Ieu Ngadadak Beunghar, Warga Tuban mendadak kaya,Bendungan Kuningan,Kilang minyak tuban,Warga Kuningan mendadak kaya,Proyek kilang minyak Tuban

Inohong Sunda Nyebut "Kalemahan" jeung "Kakuatan" Urang Sunda

Bandungan Senin, 22 Februari 2021 | 14:28 WIB

Ceuk Ceu Popong, penting nganyahokeun kalemahan diri sorangan méh apal naon baé nu kudu diomékeun.

Bandung Baheula - Bandungan, Inohong Sunda Nyebut "Kalemahan" jeung "Kakuatan" Urang Sunda, watak asli orang Sunda,kelemahan orang Sunda,Gotong Royong,Ramah,karakter orang Sunda,Bageur teuing,Popong Otje Djundjunan,Uu Ruzhanul Ulum,Aang Hamid Suganda

Présidén Joko Widodo Ngawilujengkeun Miéling Poé Basa Indung

Bandungan Minggu, 21 Februari 2021 | 20:00 WIB

Sabab, ceuk Darpan, lamun leungit basana bakal leungit bangsana.

Bandung Baheula - Bandungan, Présidén Joko Widodo Ngawilujengkeun Miéling Poé Basa Indung, hari bahasa ibu internasional,Presiden Joko Widodo,Poe Basa Indung Internasional,Lembaga Basa jeung Sastra Sunda,Bahasa Sunda

Sastra Sunda: RÈPORTASEU IBLIS

Bandungan Sabtu, 20 Februari 2021 | 08:26 WIB

Kota Bandung moal tigerat ku cai. Sabab wakil rayat, pausahaan daérah, jeung pajabat Kota Bandung geus diajar ka Médan....

Bandung Baheula - Bandungan, Sastra Sunda: RÈPORTASEU IBLIS, Cerita pendek bahasa Sunda,Sastra Sunda,Bahasa dan Sastra Sunda,Carpon Sunda,Carpon Cecep Burdansyah,carpon,cerpen Sunda,seni dan budaya sunda

Ti Baheula Urang Tionghoa Pinter Dagang

Bandungan Jumat, 19 Februari 2021 | 16:09 WIB

Di jaman kolonial geus lain jadi rusiah urang pribumi leuwih deukeut ka urang Tionghoa dibandingkeun ka urang Eropah.

Bandung Baheula - Bandungan, Ti Baheula Urang Tionghoa Pinter Dagang, Tionghoa Bandung,sejarah tionghoa di Bandung,Trik dagang tionghoa,sejarah,sejarah tionghoa zaman kolonial

“Saloka”, “Tamara” Katingalina Asing, padahal Kecap Asli Sunda Kuno

Bandungan Rabu, 17 Februari 2021 | 15:26 WIB

Dina basa Sunda, “saloka” hartina “umpama” atawa “ibarat”, sedengkeun “tamara” hartina “gamelan”.

Bandung Baheula - Bandungan, “Saloka”, “Tamara” Katingalina Asing, padahal Kecap Asli Sunda Kuno, Nama Bayi dalam Bahasa Sunda,Nama Bayi,Nama Bayi Eksotis,Arya Saloka,saloka,Tamara Bleszynski,tamara geraldine

Dua Kaulinan Barudak Jaman Baheula: Pérépét Jéngkol jeung Sasalimpetan

Bandungan Selasa, 16 Februari 2021 | 11:06 WIB

Limaan ngariung, tuluy nukang. Laju suku sabeulah nu kénca, diangkat, silih kaél. Geus karasa pageuh, nguriling nukang...

Bandung Baheula - Bandungan, Dua Kaulinan Barudak Jaman Baheula: Pérépét Jéngkol jeung Sasalimpetan, Permainan Tradisional,permainan tradisional sunda,permainan tradisional di rumah,Perepet jengkol,Sasalimpetan,Permainan anak tradisional Sunda

artikel terkait

dewanpers