web analytics
  

Aipda Dani: “Kaurugan Taneuh, Ampir Dua Jam Teu Bisa Napas”

Selasa, 19 Januari 2021 14:21 WIB Mildan Abdalloh
Bandung Baheula - Bandungan, Aipda Dani: “Kaurugan Taneuh, Ampir Dua Jam Teu Bisa Napas”, korban longsor Sumedang,Longsor Cimanggung Sumedang,Evakuasi Korban Longsor Cimanggung,Pencarian dan Penyelamatan (SAR) longsor Cimanggung,Aipda Dani Ramdani Hidayat,2 Jam Tertimbun, Begini Kesaksian Korban Hidup Longsor Cimanggung Sumedang

Aipda Dani Ramdani Hidayat menjadi korban hidup longsor di Cimanggung, Sumedang. (Ayobandung.com/Mildan Abdalloh)

CIMANGGUNG, AYOBANDUNG.COM -- Tim SAR Gabungan ti mimiti Senén (18/1/2021) tabuh 21.35 WIB geus ngeureunkeun kagiatan évakuasi korban taneuh urug di Desa Cihanjuang, Kecamatan Cimanggung, Kabupaten Sumedang.

Dumasar data, korban nu kaurugan taneuh di Cimanggung kabéhna aya 40 urang.  Sakabéh korban geus kapanggih tur geus diidéntifikasi ku Polda Jabar

Merlukeun waktu sapuluh poé pikeun ngaévakuasi 40 korban nu kaurugan taneuh. Kuduna mah évakuasi korban téh geus réngsé basa Jumaah (15/1/2021). Ngan harita, masih aya kénéh welasan korban nu can kapanggih. Atuh Tim SAR gabungan ménta tambahan waktu deui tilu poé.

Pencarian korban Longsor Cimanggung Sumedang. (Ayobandung.com/Kavin Faza)

"Évakuasi korban geus dieureunkeun. Ngan lamun aya kénéh warga nu ngalaporkeun kaleungitan anggota kulawargana, tangtuna ku kami rék ditindaklanjuti," ceuk Deden Ridwansyah, ketua Tim SAR Gabungan Bandung.

Kasaksian Dani, Korban nu Salamet

Aipda Dani Ramdani Hidayat, anggota Babinkamtibmas Desa Cihanjuang, Kecamatan Cimanggung, Kabupaten Sumedang mangrupakeun salah sahiji korban taneuh urug nu salamet.

Aipda Dani teu eureun-eureun ngucapkeun syukur réhna bisa salamet tina bencana taneuh urug nu ngarenggut puluhan korban.

Sabagai anggota Babinkamtibmas Desa Cihanjuang, basa ngadéngé aya kajadian taneuh urug, Dani langsung ngadatangan TKP, Komplék Pondok Daud. Harita téh sanggeus hujan badag teu eureun-eureun, Saptu (9/1/2021).

“Tabuh 15.00 WIB, kuring narima informasi. Cenah, aya 6 imah kaurugan taneuh. 12 urang warga nu kaurugan," ceuk Dani di Posko Tim SAR, sababaraha poé katukang.

Sabot manéhna keur ngadata, ceuk Dani, samar-samar kadéngé sora orok ceurik jeung kadéngé aya sora tulung-tulungan.

Dani kukurilingan néangan di mana éta sora bari teu poho sakalian ngalaporkeun kajadian ka dunungannana, Kapolsék Cimanggung.

Teu lila, Muspika Cimanggung nepi ka lokasi. Dani gé narima kabar yén Kapolres Sumedang jeung BPBD keur otw ka lokasi kajadian. Sanggeus Isya, maranéhna kakara datang.

Dina pikiran Dani, pasti bakal aya alat beurat datang. Kukituna, Dani masang garis polisi di sababaraha tempat. Antisipasi, méh ayana masarakat teu ngaganggu ka rencana évakuasi.

“Harita mémang loba masarakat nu hayang nyaho kana kajadian taneuh urug. Kuring ge ngimbau ka masarakat, tong deukeut teuing ka lokasi taneuh urug,” ceuk Dani.

Basa Kapolres datang, Dani harita balik deui ka lokasi deukeut masjid. Harita peuting tabuh 20.00 WIB. Angin peuting pikasieuneun. Bari diuk, Dani nuliskeun ngaran-ngaran warga jeung sababaraha imah nu kaurugan taneuh.

Ujug-ujug aya sora ngaguruh. Aya taneuh urug deui.

Lantaran keur anteng nulis, Dani teu maliré aya taneuh urug deui—malahan urugan nu ieu mah nyamperkeun ka manéhna. Samentara, warga di lokasi deukeut manéhna geus lalumpatan ngajauhan éta tempat.

"Kajadianna gancang pisan. Kuring teu sadar, ujug-ujug kabawa taneuh," ceuk Dani.

Jol poék mongkléng. Katingali ku Dani samar-samar dunungannana, Kapolsek Cimanggung keur nulungan manéhna--ngabetot suku Dani nu kakubur ku taneuh.

"Ndan, tulungan kuring. Ndan, tulungan kuring. Tapi Kapolsek harita ge keur nulungan kuring," ceuk Dani.

Dani nétélakeun, harita manéhna geus kakubur ku taneuh. Ampir kabéh ka kubur. Ngan leungeun wungkul nu teu kakubur. Masih bisa digerakkeun. Dani hésé rék nyalametkeun manéh da awak geus kakubur. Jaba di palebah suku asa aya batu gedé nu ngagencét. Dani teu bisa napas ampir dua jam.

Ahirna, Kapolsek Cimanggung ngajak sabaraha urang jang ngabantu nulungan Dani. Tapi, anggeur sanajan ku lobaan ogé hésé rék ngangkat awak Dani.

"Taneuhnna gerak terus. Gerak saeutik, nu rék nulungan sarieuneun. Tuluy lumpat. Kuring geus pasrah we ka nu maha kawasa," ceuk Dani.

Aya kana dua jamna patugas nyalametkeun Dani. Dani ge geus pasrah, “Ah, ieu nu ngaranna maot téh.”

Sanggeus bisa kaangkat, Dani masih leuleus. Nu nulungan geus nyangka dua sukuna potong. Harita keneh Dani langsung dibawa ka puskesmas.

"Kuring gé nyangka suku kuring téh potong. Tapi, alhamdulillah teu kunanaon geuning. Ngan luka ringan. Ayeuna suku nyeuri kénéh, tapi masih kénéh bisa lempang," ceuk Dani.

Geus ampir saminggu ti kajadian éta, ayeuna Dani geus beraktivitas deui. Malahan geus tugas deui Desa Cihanjuang.

Tapi, kajadian éta moal bisa dipohokeun saumur hirup gé. Nambah kayakinan yén maut bisa iraha waé jeung ka saha waé datangna.

(Tingali oge, Ayobandung.com, “2 Jam Tertimbun, Begini Kesaksian Korban Hidup Longsor Cimanggung Sumedang”)

Editor: Dudung Ridwan

terbaru

Misteri Sripanggung

Bandungan Sabtu, 27 Februari 2021 | 06:35 WIB

Ti dieu kakara nyaynyayan. Yén bisa jadi nu sok ngajungjujurigan mah sripanggung nu heubeul. Nyi Suminar mah leungitna c...

Bandung Baheula - Bandungan, Misteri Sripanggung, Sastra Sunda,Bahasa dan Sastra Sunda,Cerita pendek Sunda,Carpon Sunda,Bandungan,seni dan budaya sunda,Aan Merdeka Permana

Dusun Bambu Ngoléksi Janda Bolong (Monstera Obliqua). Hargana Ampir 1...

Bandungan Jumat, 26 Februari 2021 | 15:20 WIB

Dina Galery Flora nu luasna 800 meter persegi ieu aya rébuan jenis koléksi tanaman hias sultan.

Bandung Baheula - Bandungan, Dusun Bambu Ngoléksi Janda Bolong (Monstera Obliqua). Hargana Ampir 1 Miliar, Janda Bolong,harga janda bolong,Tanaman Hias,Dusun Bambu,Dusun Bambu lembang,Monstéra Obliqua,Galery Flora Dusun Bambu

Kampung Cikalang Kaler Istikomah Nyieunan “Panci” di Jaman “Rice Cooke...

Bandungan Kamis, 25 Februari 2021 | 12:53 WIB

Lain saukur kiwari wungkul, utamana RW 7 Kampung Cikalang, sohor sok nyieunan parabot rumah tangga, tapi kagiatan ieu ge...

Bandung Baheula - Bandungan, Kampung Cikalang Kaler Istikomah Nyieunan “Panci” di Jaman “Rice Cooker”, perajin panci kampung cikalang kaler,Panci Tradisional,Panci,alat dapur tradisional Sunda,perajin panci

Nu Ceurik Lebah Péngkolan

Bandungan Rabu, 24 Februari 2021 | 14:34 WIB

Lebah péngkolan, kasampak si Kokom keur cingogo bari ceurik. Leungeunna mulungan béas nu ngalayah dina taneuh bécék.

Bandung Baheula - Bandungan, Nu Ceurik Lebah Péngkolan, fiksimini,Fiksimini Sunda,Bahasa dan Sastra Sunda,seni dan budaya sunda

Lain Hasil Munjung, Sajumlah Warga di Dua Désa Ieu Ngadadak Beunghar

Bandungan Selasa, 23 Februari 2021 | 16:38 WIB

Sajumlah warga meunang kompénsasi rata-rata Rp8 miliar. Atuh nu baroga duit langsung mareuli mobil.

Bandung Baheula - Bandungan, Lain Hasil Munjung, Sajumlah Warga di Dua Désa Ieu Ngadadak Beunghar, Warga Tuban mendadak kaya,Bendungan Kuningan,Kilang minyak tuban,Warga Kuningan mendadak kaya,Proyek kilang minyak Tuban

Inohong Sunda Nyebut "Kalemahan" jeung "Kakuatan" Urang Sunda

Bandungan Senin, 22 Februari 2021 | 14:28 WIB

Ceuk Ceu Popong, penting nganyahokeun kalemahan diri sorangan méh apal naon baé nu kudu diomékeun.

Bandung Baheula - Bandungan, Inohong Sunda Nyebut "Kalemahan" jeung "Kakuatan" Urang Sunda, watak asli orang Sunda,kelemahan orang Sunda,Gotong Royong,Ramah,karakter orang Sunda,Bageur teuing,Popong Otje Djundjunan,Uu Ruzhanul Ulum,Aang Hamid Suganda

Présidén Joko Widodo Ngawilujengkeun Miéling Poé Basa Indung

Bandungan Minggu, 21 Februari 2021 | 20:00 WIB

Sabab, ceuk Darpan, lamun leungit basana bakal leungit bangsana.

Bandung Baheula - Bandungan, Présidén Joko Widodo Ngawilujengkeun Miéling Poé Basa Indung, hari bahasa ibu internasional,Presiden Joko Widodo,Poe Basa Indung Internasional,Lembaga Basa jeung Sastra Sunda,Bahasa Sunda

Sastra Sunda: RÈPORTASEU IBLIS

Bandungan Sabtu, 20 Februari 2021 | 08:26 WIB

Kota Bandung moal tigerat ku cai. Sabab wakil rayat, pausahaan daérah, jeung pajabat Kota Bandung geus diajar ka Médan....

Bandung Baheula - Bandungan, Sastra Sunda: RÈPORTASEU IBLIS, Cerita pendek bahasa Sunda,Sastra Sunda,Bahasa dan Sastra Sunda,Carpon Sunda,Carpon Cecep Burdansyah,carpon,cerpen Sunda,seni dan budaya sunda

artikel terkait

dewanpers