web analytics
  

Catetan Awal Taun: Pasualan Tahu-Témpé nu Ngagenjleungkeun

Selasa, 12 Januari 2021 20:41 WIB Redaksi AyoBandung.Com
Bandung Baheula - Bandungan, Catetan Awal Taun: Pasualan Tahu-Témpé nu Ngagenjleungkeun, Harga kedelaiterus meroket,tahu Cibuntu,kedelai impor,Menteri Pertanian (Mentan) Syahrul Yasin Limpo,Kedelai Lokal,perajin tahu tempe menjerit

Pekerja sedang menyelesaikan pembuatan tahu di salah satu pabrik tahu di kampung Cibuntu, kecamatan Bandung Kulon, kota Bandung, Jumat (30/10/2020). Saat pandemi Covid-19 berlangsung produksi tahu di tempat tersebut mengalami penurunan omzet sebesar 50 persen. (Aufa Fadil/Magang)

BANDUNG, AYOBANDUNG.COM – Pasualan tahu jeung tempé osok ujug-ujug mucunghul teu pupuguh. Tara kulonowun. Tara punten.

Lain kunanaon, masalahna da atuh tahu jeung tempé mah—sanajan murah--kaasup katuangan sajuta umat jeung nu geus khas Indonésa—ti rahayat leutik, sedeng, jeung “kelas atas”, bareuki kana tahu tempé.

Nu antukna, lamun aya pasualan saeutik ogé ngeunaan tahu jeung tempé sok ngagenjleugkeun nagara. Presiden Jokowi gé nepi ka kudu “turun gunung”.

“Saya kepingin, persoalan tahu-tempe ini tidak muncul lagi,” ceuk Jokowi, "Kita tahu bahwa beberapa minggu terakhir ini urusan yang berkaitan dengan tahu dan tempe, kedelai, jadi masalah," ceuk Presiden Jokowi basa ngaresmikeun Rapat Kerja Nasional Pembangunan Pertanian Tahun 2021, di Jakarta, Senen (11/1).

Presiden nétélakeun pentingna pengelolaan di sektor pangan jeung hal ieu kudu diurus sacara seurius jeung detail.

Sabenerna mah pasualan tahu jeung tempé ieu téh anggeur ti taun ka taun, nyaéta sual katergantungan Indonésa ka kedelé impor. Atuh, lamun harga kedelé dunia naék, nya pasti ngarémbet ka pabrik-pabrik tahu tempé, ka pasar-pasar, ka para padagang leutik, nepi ka ibu-ibu nu sok baralanja.

 

DI BANDUNG

Kepala Dinas Perdagangan dan Perindustrian (Disdagin) Kota Bandung, Elly Wasliah, nétélakeun, harga kedelé impor nu ayeuna naék téh mimiti na mah geus karasa naék ti bulan November 2020. Harga kedelé rata-ratana Rp8.300 sakilona, ayeuna geus nepi ka Rp9.000 sakilona.

Naon sababna naék? Ceuk Elly, kusabab memang harga kedelé duniana gé ngajaul.  Salain ti éta, pasokan kedelé impor ti Amerika Serikat na aya hambatan.

Kapan salila ieu kacang kedelé impor nu dipaké ku Indonésa téh asalna ti Amerika. Samentara, ceuk Elly, ayeuna China ménta tambahan impor ti Amerika.

Ceuk warta ti Kementerian Perdagangan, Elly nyebutkan, China nambahan kapasitas impor kacang kedelé ti Amerika Serikat jadi dua kali lipat. Ti asalna 15 juta ton jadi 30 ton.

"Kuduna bulan ieu asup. Tapi, kamari diborong ku China. Jang ngeusian anu kosong, kapaksa ngadatangkeun ti Kanada," ceuk Elly basa nepungan perajin tahu Cibuntu, Senén (4/12/2020).

Saméméhna diwartakeun para perajin tahu di Cibuntu ngayakeun aksi mogok produksi. Tapi, ayeuna para perajin tahu téh geus mulai ngaproduksi deui sanajan konsékuénsina naékkeun harga jual.

 

DI JAKARTA

Di Jakarta gé, harga kedelé ti sabulan kamari terus nerékél naék. Para perajin tahu ngarahuh. Ngarasa beurat. Antukna pabrik-pabrik tahu aya nu eureun beropérasi sahelaanan. Aya ogé nu tetep beropérasi, tapi nyieun tahuna dileutikan.

"Ukuran tahuna kapaksa dileutikkan. Da harga kedele keur mahal," ceuk Supriadi basa ditepungan di daerah Buncit Raya, Jakarta, Minggu (3/1/2021).

Supriadi nétélakeun, harga bahan baku kedelé teu bisa dicepeng, naékna kabina-bina. Biasana mah manéhna meuli kedelé ngan Rp 7.500 sakilona, ayeuna naék nepi ka Rp 9.000 sakilona.

Sanajan kedelé mahal, ceuk Supriadi, produksi tetep jalan sabab manéhna geus boga langganan tetep.

"Nya, diberat-berat ogé, kapaksa nyieun tahu. Karunya ka tukang goréngan, karunya ka ibu-ibu. Pan geus paresen," pokna.  “Harga tahu na mah teu dinaékeun. Tapi ukuranna dileutikkan," ceuk Supriadi.

Tanaman Kedelai. (Pixabay)

DI TASIKMALAYA

Kepala Dinas Ketahanan Pangan Pertanian dan Perikanan (DKP3) Kota Tasikmalaya Tedi Setiadi nyebutkeun, kabutuhan kedelé  jang bahan baku tempé jeung  tahu di Tasikmalaya 520 ton sapoena.

Ceuk Tedi, kedelé impor ti Amerika masih jadi andelan kusabab kualitasna alus. "Kunaon kedelé lokal teu dipaké ku para perajin tahu jeung tempé? Sabab, kualitasna kurang alus," ceuk Tedi Setiadi basa inspeksi mendadak (sidak) ka Gudang distributor kedelé di Indihiang, Senén (11/1/2021).

Taun 2020 di Kota Tasikmalaya ngayakeun program melak kedelé saratus héktar. Tina 100 héktar téh, 50 héktarna nu dipanén kedelé ngora keneh. Tapi 50 héktar sésana dipanen kedelé kolot.

"Para petani leuwih milih kedelé  ngora. Pajarkeun, leuwih payu jang jang  cemilan," pokna.

Panén kedelé lokal kurang alus téh alatan bibit kedelé nu dikirim ti pusat éléh bersaing ku kedelé ti luar negeri.

"Kukituna, dinas ketahanan pangan pertanian dan perikanan mihareup pamaréntah pusat--utamana Kementan—kumaha carana nyieun bibit-bibit unggul  kacang kedelé nu bisa nyaingan kedelé ti luar negeri," pokna.

 

DI SUKABUMI

Béda deui jeung patani di Kabupaten Sukabumi. Patani Sukabumi teu kabita melak kedelé alatan harga kedelé lokal murah ditarimana ku konsumen.

"Di Sukabumi, melak kedelé jadi pilihan katilu sanggeus melak paré jeung jagong," ceuk Kepala Dinas Pertanian Kabupaten Sukabumi, Sudrajat, Jumaah (8/1).

Sudrajat netélakeun, ayeuna harga kedelé lokal di pasaran Rp 5.000 sakilona.

Sanajan kedeée lokal murah, perajin tahu tempé anggeur leuwih milih kedelé impor lantaran éeuwih alus kualitasna. Salain éta, produktivitas kedele lokal ogé teu loga, ngan saukur 1,5 ton tina sahektarna.

Nerekélna harga kedelé nu ngabeuratkeun para perajin tahu jeung tempé diréspons ku kalangan DPR RI. Kalangan DPR mihareup pamaréntah fokus kana ngaronjatkeun pertanian kedelé lokal.

Produsen tahu mengolah kedelai. (Dok Humas Pemkot Bandung)

RÈSPONS PAMARÈNTAH

Menteri Pertanian Syahrul Yasin Limpo jangji pihakna rék ngupayakeun ngalipatgandaeun produksi kedelé lokal dina waktu paling kurang 200 poé atawa, dina dua kali waktu melak.

Mentan nyebutkeun usahana mangrupa réspons ngenaan nérékélna harga kedelé di pasar global, di mana Indonésa nu masih gumantung kana impor kedelé.

"Urang cobaan duakalikeun. Biasana kan perlu 100 poé sakali melak. Ayeuna, urang cobaan dua kali 100 poé bari sakalian nyiapkeun waragadna," ceuk Syahrul di Jakarta, Senén (4/1/2021).

Menteri Syarul netelakeun produksi kedelé lokal kudu boga daya saing, boh dina kualiatasna, boh dina hargana.

Ceuk Syahrul Yasin Limpo, pengembangan kedelé lokal rék dimimitian ti Pulau Jawa. Naon, sabab? Sabab, konsumén produk kedelé lolobana di Pulau Jawa. Jadi, kudu aya intervénsi kawilayahan.

Syahrul nétélakeun, mahalna harga kedelé impor ayeuna lamun diréspons langsung ku ningkatkeun produksi kedelé lokal bakal ngarugikeun patani. Sabab, pas harga kedé impor can turun, kedelé lokal pasti kasaingan deui nu antukna patani deui nu rugi.

Kukituna,  perlu waktu méh produksi kedelé lokal lalalunan bisa nérékél sangkan ka hareupna katergantugan ka kedelé impor bisa dikurangan.

Editor: Dudung Ridwan

terbaru

C-J Paribasa jeung Babasan Sunda. Hartina dina Bahasa Indonesia (2)

Bandungan Jumat, 22 Januari 2021 | 15:03 WIB

Paribasa biasana rada panjang. Leuwih ti dua kecap. Sedengkeun babasan mah pondok, biasana ngan dua kecap.

Bandung Baheula - Bandungan, C-J Paribasa jeung Babasan Sunda. Hartina dina Bahasa Indonesia (2), paribasa bahasa Sunda,Paribasa Sunda,Babasan basa Sunda,Babasan Sunda,Paribasa basa Sunda

A-B Paribasa jeung Babasan Sunda. Hartina dina Bahasa Indonesia (1)

Bandungan Kamis, 21 Januari 2021 | 14:37 WIB

Paribasa biasana rada panjang. Leuwih ti dua kecap. Sedengkeun babasan mah pondok, biasana ngan dua kecap.

Bandung Baheula - Bandungan, A-B Paribasa jeung Babasan Sunda. Hartina dina Bahasa Indonesia (1), Paribasa Sunda,Babasan Sunda,Peribahasa bahasa Sunda,Bahasa Sunda,Sastra Sunda

Aipda Dani: “Kaurugan Taneuh, Ampir Dua Jam Teu Bisa Napas”

Bandungan Selasa, 19 Januari 2021 | 14:21 WIB

Aipda Dani Ramdani Hidayat, anggota Babinkamtibmas Desa Cihanjuang, mangrupakeun hiji korban taneuh urug nu salamet.

Bandung Baheula - Bandungan, Aipda Dani: “Kaurugan Taneuh, Ampir Dua Jam Teu Bisa Napas”, korban longsor Sumedang,Longsor Cimanggung Sumedang,Evakuasi Korban Longsor Cimanggung,Pencarian dan Penyelamatan (SAR) longsor Cimanggung,Aipda Dani Ramdani Hidayat,2 Jam Tertimbun, Begini Kesaksian Korban Hidup Longsor Cimanggung Sumedang

Kadaharan Asli Sunda nu Dijieun tina Sampeu Khas Bandung

Bandungan Senin, 18 Januari 2021 | 15:46 WIB

Geuning, sampeu ogé ngandung karbohidrat anu tinggi. Jadi, teu anéh mun loba kadaharan nu dijeun tina sampeu.

Bandung Baheula - Bandungan, Kadaharan Asli Sunda nu Dijieun tina Sampeu Khas Bandung, makanan khas Sunda singkong,makanan khas Sunda Bandung,Kadaharan asli Sunda tina Sampeu,Comro,Misro,Kripik singkong,putri noong,Sampeu,Peuyeum Bandung

SASTRA SUNDA: Ka Saha atuh Nitipkeun Asih?

Bandungan Sabtu, 16 Januari 2021 | 06:56 WIB

Lalaunan asih jero dada ngarangrangan. Waktuna urang kudu paturay, Kang Fahri. Najan kuring miharep aya rasa asih kuring...

Bandung Baheula - Bandungan, SASTRA SUNDA: Ka Saha atuh Nitipkeun Asih?, Cerita pendek Sunda,Carpon Sunda,Sastra Sunda,seni dan budaya sunda,Komala Sutha,Mangle,Sunda Midang,Bandungan

Aplodan Pamungkas Pramugari Oke Dhurrotul Jannah

Bandungan Jumat, 15 Januari 2021 | 13:10 WIB

Panggih jeung Oke basa dina maleman taun baru. Oke pamit rék ngemban tugas jadi pramugari di Jakarta.

Bandung Baheula - Bandungan, Aplodan Pamungkas Pramugari Oke Dhurrotul Jannah, Oke Dhurrotul Jannah,pramugari Oke Dhurrotul Jannah,Sriwijaya Air SJ 182 Jatuh,Pulau Lancang Kepulauan Seribu,Sriwijaya Air Jakarta-Pontianak,Sriwijaya Air Hilang Kontak,Parongpong Bandung Barat

Senator Dukung Kongrés Sunda jadi Gerakan nu Mertahankeun jeung Nguatk...

Bandungan Rabu, 13 Januari 2021 | 17:38 WIB

DPD RI arék ngusulkeun ayana “Hari Kebudayaan dan Kearifan Lokal” ka pamaréntah

Bandung Baheula - Bandungan, Senator Dukung Kongrés Sunda jadi Gerakan nu Mertahankeun jeung Nguatkeun Idéntitas Bangsa, Panitia Kongres Sunda,Dialog DPD RI dengan Panitia Kongres Sunda,Ketua DPD RI La Nyalla Mattalitti,Kongres Sunda,Webinar Kongres Sunda

Catetan Awal Taun: Pasualan Tahu-Témpé nu Ngagenjleungkeun

Bandungan Selasa, 12 Januari 2021 | 20:41 WIB

Sabenerna mah pasualanna anggeur ti taun ka taun, nyaéta sual katergantugan Indonésa ka kedelé impor.

Bandung Baheula - Bandungan, Catetan Awal Taun: Pasualan Tahu-Témpé nu Ngagenjleungkeun, Harga kedelaiterus meroket,tahu Cibuntu,kedelai impor,Menteri Pertanian (Mentan) Syahrul Yasin Limpo,Kedelai Lokal,perajin tahu tempe menjerit

artikel terkait

dewanpers