web analytics
  

Budi Ali Hidayat: Lamun Narima Gratifikasi, Éra jeung Hirup Teu Tenang

Rabu, 16 Desember 2020 14:47 WIB Tri Junari
Bandung Baheula - Bandungan, Budi Ali Hidayat: Lamun Narima Gratifikasi, Éra jeung Hirup Teu Tenang, Budi Ali Hidayat Kepala KUA Cimahi Tengah,Komisi Pemberantasan Korupsi (KPK),gratifikasi,édaran KPK taun 2013,Kepala Kantor Urusan Agama (KUA) Kecamatan Cimahi Tengah

Budi Ali Hidayat—penghulu sakaligus Kepala Kantor Urusan Agama (KUA) Kecamatan Cimahi Tengah—Salasa (8/12/2020) meunang panghargaan ti Komisi Pemberantasan Korupsi (KPK). (Ayobandung.com/Tri Junari)

CIMAHI, AYOBANDUNG.COM -- Budi Ali Hidayat—penghulu sakaligus Kepala Kantor Urusan Agama (KUA) Kecamatan Cimahi Tengah—Salasa (8/12/2020) meunang panghargaan ti Komisi Pemberantasan Korupsi (KPK). Budi mangrupakeun “orang pertama Cimahi sakaligus di Jawa Barat” nu meunang panghargaan ieu. (Tingali ogé Tri Junari, Ayobandung.com, 11/12/20 “Risau dengan Amplop Hajatan, Penghulu di Cimahi Diganjar Penghargaan KPK”)

Reueus kalawan teu disangka-sangka nu dirasakeun ku lulusan UIN Sunan Gunung Djati Bandung ieu téh.

Profési penghulu geus ilahar dianggap profési “baseuh” ku masarakat. Geus teu anéh lamun penghulu remen meunang “amplop” ti nu boga hajat.

Pangalaman amis, pait, jeung peuheurna jadi penghulu geus kabéh kaalaman ku Budi. Budi mimiti jadi penghulu taun 2006, jadi Penghulu Muda taun 2009, tuluy jadi Penghulu Madya taun 2019. Nu geus maké jasana rupa-rupa—boh ti kalangan rayat biasa tepi ka kalangan pajabat.

Tapi salila jadi panghulu, pikeun Budi Ali Hidayat, keukeuh wé aya nu “ngaganjel” dina haténa.

Lamun Budi geus ngalaksanakeun kawajiban jadi panghulu, geus kabiasaan masarakat mah ramah jeung soméah ka tamu. Malah nu boga hajat geus biasa alias teu anéh lamun sok mekelan kadaharan atawa “ngabebeskeun amplop” kana saku. Padahal, ceuk Budi Ali Hidayat, kabiasaan nu kitu téh ceuk aturan mah teu meunang—da kaasup gratifikasi.

"Ti palebah dinya perang batinna. Lamun ditarima éta paméréan, jadi gratifikasi. Lamun ditolak, bisa-bisa nu boga hajat kasinggung," ceuk Budi basa ditepungan di kantorna, Jumaah (11/12/2020).

Budi kungsi nolak paméré tinu boga hajat. Eh, nu boga hajat kalah ngambeuk da dianggapna teu ngahargaaan. Malah aya nu boga hajat nepi ka nyusul ka imah—nitipkeun amplop ka budak Budi.

"Biasana titipan amplop téh bervariasi gedéna. Aya nu Rp40.000. Tapi, aya ogé nu nepi ka Rp1 juta leuwih," ceuk Budi.

Gogoda samodél kitu téh meni naker kacida. Komo deui dina saminggu teh Budi  bisa ngawinkeun leuwih ti 10 pasangan. Malah di “bulan-bulan mangsa kawin” mah bisa leuwih loba deui.

Ti dinya mimitina, tuluy Budi nyoba-nyoba muka aplikasi di Google jeung néangan nyaho kumaha kritériana nu disebut gratifikasi téh? Jeung kumaha cara ngalaporkeunna? Ti harita, Budi manggihan aplikasi GOL jang ngalaporkeun gratifikasi ka KPK.

Sanggeus asistensi jeung KPK, ahirna Budi sacara inténs ngalapor lamun manéhna meunang “titipan”, éta téh ti mimiti taun 2019.

Ti harita, lamun geus bérés tugas terus meunang “amplop”, Budi pasti moto éta titipan tuluy dilaporkeun ka KPK. Kaasup ogé bingkisan kadaharan, da éta gé asup  gratifikasi.

"Aya kadaharan nu gancang basi. Nu kieu mah, biasanana mun geus dilaporkeun, tuluy dibikeun ka barudak santri di pasantrén," pokna.

Nu ku Budi dilakukeun téh teu sakanyaho kulawarga atawa dunungan di tempatna gawé. Di kantor gé amplop paméré téh dipisahkan tempatna méh aman, teu aya nu nyokot.

"Kuring geus nétélakeun yén tugas penghulu téh geus dibayar ku nagara. Jadi, teu kudu dibéré deui. Gaji kuring geus cukup. Lamun ngasaan gratifikasi, rarasaan téh éra jeung hirup asa teu tenang," ceuk Budi.

Keteguhan sikeup jeung intégritas Budi siga kitu nu ngalantarankeun bapa opat anak ieu meunang panghargaan ti KPK. Budi jadi hiji tina tiluan jelema di Indonesa nu meunang aprésiasi ngeunaan Pelaporan Gratifikasi taun 2020 ti KPK.

Dumasar catetan ti KPK, total laporan Budi lobana 88 laporan. 64 laporan penerimaan jeung 24 laporan penolakan. Total nilai gratifikasi nu ditarima Rp16.190.000. Tina sakitu téh nu ditetepken jadi boga nagara gedéna Rp13.540.000. Lapora gratifikasi  Budi panglobana sapanjang 2019-2020.

Budi ngasara teu nyangka naon anu geus dilakukeunna, éh, aya nu ngaaprésiasi. Komo deui ti KPK nu jelas-jelas mangrupakeun lembaga nu konsén dina penegakan tindak korupsi.

Tadi na pikeun Budi mah ngan saukur ngajalankeun tugas jeung nyekel prinsip kana atauran pagawéan wé. Sarta surat édaran KPK taun 2013 nu nyebutkeun, pemberian apa pun kepada petugas pencatat nikah yang menikahkan pasangan mempelai di luar gaji adalah gratifikasi.

Ditegeskeun ogé ku Kantor Kementerian Agama dina Permenag Nomor 24/2014 nu netepkeun biaya menikah di KUA téh gratis jeung  di luar KUA aya tarif nu gedéna Rp600.000. Penghulu mah narima honor jeung biaya transportasi ti kantor.

"Sederhana sabenerna mah. Berpegang teguh kana aturan wé, lain hayang dibéré panghargaan. Pikeun kuring mah, dina salila gawé téh aya ‘ikatan batin’ jeung guru, kolot, kuwarga. Éta kabéh nu sok ngingetan kuring tina hal-hal nu lain hakna. Di palebah dieu sabenerna nu disebut  ‘pengawasan melekat’ sebagai pejabat publik téh," ceuk Budi.

Sanggeus jadi “orang pertama di Cimahi jeung Jawa Barat” nu meunang panghargaan ti KPK, Budi beuki kamotivasi jang ngarahkeun kulawargana katut pagawé di kantorna méh nolak gratifikasi. Budi gé mihareup mind set masarakat ka panghulu kuduna bisa robah nu antukna teu ngajadikan panghulu aya di posisi yang dilematis.

"Mudah-mudahan hal ieu bisa ngamotivasi kuring jeung kulawarga sangkan tetep siga kieu. Da rezeki mah geus aya nu ngatur," ceuk Budi.

 

 

Editor: Dudung Ridwan

terbaru

Sastra Sunda: KEMBANG HAREPAN

Bandungan Sabtu, 17 April 2021 | 09:49 WIB

“Tos ti wangkid ayeuna mah tong aya Nina di dieu, Kang. Urang nataan deui kahirupan anyar.”

Bandung Baheula - Bandungan, Sastra Sunda: KEMBANG HAREPAN, Sastra Sunda,Bahasa dan Sastra Sunda,cerita pendek nina rahayu nadea,Carpon Sunda,Bandungan

Dongéng Nasruddin Hoja: Jumaahan Poé Kemis

Bandungan Jumat, 16 April 2021 | 09:59 WIB

“Naha Juma’ahan? Pan ayeuna kakara gé poé Kemis? Isuk Juma'ahan mah.” Baturanna ngarasa heran.

Bandung Baheula - Bandungan, Dongéng Nasruddin Hoja: Jumaahan Poé Kemis, dongeng nasruddin hoja,Kisah nasruddin hoja,nasruddin hoja salat jumat hari kamis

5 Macem Korma. Cocok Kanggé Ta’jil

Bandungan Kamis, 15 April 2021 | 14:59 WIB

Korma di Indonésa lolobana didatangkeun ti Timur Tengah.

Bandung Baheula - Bandungan, 5 Macem Korma. Cocok Kanggé Ta’jil, Jenis kurma,Macam kurma,khasiat kurma,kurma,kurma Ajwa

Méngbal Huhujanan

Bandungan Rabu, 14 April 2021 | 15:20 WIB

Isukna, kuring ningali Ema keur ngaberesihan baju kotor jeung sapatu urut kuring méngbal.

Bandung Baheula - Bandungan, Méngbal Huhujanan, Fikmin Sunda,Fiksimini Sunda,ceritap pendek sunda,Carpon Sunda

BULAN DI JERO SUMUR

Bandungan Selasa, 13 April 2021 | 05:52 WIB

Ngagebeg, naha bet aya bulan di jero sumur? Deudeuh teuing, bulan geus tikusruk ka sumur.

Bandung Baheula - Bandungan, BULAN DI JERO SUMUR, Kisah nasruddin hoja,nasruddin hoja dan bulan di dalam sumur,kisah nasruddin hoja basa sunda,carita nasruddin hoja dina basa sunda

Kolek Cau, Bala-Bala, jeung Asinan Ménu Wajib Buka Puasa

Bandungan Senin, 12 April 2021 | 15:34 WIB

Bulan puasa teu bisa dipisahkeun ti nu ngaranna ta’jil. Biasana mah kadahareun nu amis-amis, ti mimiti korma, céndol, si...

Bandung Baheula - Bandungan, Kolek Cau, Bala-Bala, jeung Asinan Ménu Wajib Buka Puasa, Kolak Pisang,Gorengan,bala-bala,asinan sayuran,makanan khas ramadan,Tiga makanan khas Ramadan

Sastra Sunda: RT IDUN

Bandungan Sabtu, 10 April 2021 | 06:11 WIB

KANG IDUN ngalempréh teu walakaya. Beurat awakna tuluy nyirorot. Awakna nu baheula seseg.

Bandung Baheula - Bandungan, Sastra Sunda: RT IDUN, Cerita pendek bahasa Sunda,Carpon Sunda,Carpon Eryandi Dahlan,Sastra Sunda,Bahasa dan Sastra Sunda,Bandungan

Hotél

Bandungan Rabu, 7 April 2021 | 16:00 WIB

Kuring godeg bari nutupkeun panto.

Bandung Baheula - Bandungan, Hotél, fiksimini,Fiksimini Sunda,Cerita pendek bahasa Sunda,Carpon Sunda,Sastra Sunda

artikel terkait

dewanpers