web analytics
  

Omélét Kéju

Senin, 9 November 2020 14:14 WIB Dudung Ridwan
Bandung Baheula - Bandungan, Omélét Kéju, Fikmin Sunda,seni dan budaya sunda,fiksimini,Sastra Sunda

Omelet Keju (istimewa)

LAIN kuring wungkul, kuring yakin Zee Zee gé boga rasa ka kuring.

Hiji waktu kuring nyieun omélét kéju. Terus difoto. Dikirim ka instagramna Zee Zee. “Nembé kaluar tina oven,” ceuk kuring dina kateranganna.

“Wah, meni tiasaan. Pasti raos. Hoyong dipangdamelkeun da ku Akang,” témbal Zee Zee.

“Pasti dipangdamelkeun pami Zee Zee kersa janten bojo Akang,” kuring ngaheureuyan.

“Siapa takut? Sok atuh iraha Akang ngalamar abdi?” Kuring teu nyangka jawaban Zee Zee siga kitu.

“Nyaan?” Kuring teu percaya.

Obrolan di instragram diteruskeun ku ngobrol di hiji peuting nu euweuh hujan di salah sahiji kafé di Dago. Mung aya tingkaretipna béntang di langit jeung tingkaretipna lampu di kota Bandung nu lengkob. Kuring negeskeun kaseurieusan kuring ngalamar Zee Zee.

Harita, kuring inget, ngomong kieu ka  Zee Zee, “Zee, Akang lain jalmi beunghar. Tapi, Akang jangji rék satékah polah digawé pikeun ngabagéakeun Zee Zee.”

Zee Zee unggeuk.

Teu lila ti harita Zee Zee jadi indungna barudak kuring.

Editor: Dudung Ridwan
dewanpers