web analytics
  

Medal Taun 1700 an, Al-Qu’ran ti Galuh jeung Cirebon Ditulis ku Tinta Emas

Jumat, 30 Oktober 2020 07:42 WIB Dudung Ridwan
Bandung Baheula - Bandungan, Medal Taun 1700 an, Al-Qu’ran ti Galuh jeung Cirebon Ditulis ku Tinta Emas, Al-Qur'an dari Galuh dan Cirebon,Al-Qur'an Ditulis dengan Tinta Emas

Al-Qur'an ti Galuh. (Dudung Ridwan/Ayobandung.com)

BANDUNG, AYOBANDUNG.COM – Andri Abdurrohman jeung Toni Setiadi, panalungtik Al-Qur’an jeung pangarang buku Multimedia Al-Qur'an: Mukjizat Ilmiah Audio-Visualisasi, némbongkeun dua Al-Qur'an nu ceunah ditulis ku tinta emas.

Dua Al-Qu'ran éta téh mangrupakeun titipan ti inohong-inohong di daerah Galuh jeung Cirebon. “Nu ti Cirebon, kira-kira medal taun 1700 an, keretasna geus uduh pisan. Lamun dibawa-bawa bisi ruksak. Mangkana direpro deui. Aslina aya kénéh. Nu hiji deui mah nu ti Galuh masih utuh. Ieu mah rada ngora batan nu ti Cirebon,” ceuk Andri, nu ogé dosén Unpad, basa panggih jeung Ayobandung.com di gampungan Kongrés Sunda, Rebo, 28 Oktober 2020.

Dua Al-Qur'an ieu téh, ceuk Andri, titipan ti inohong-inohong di daérah ka Toni Setiadi nu rajin ngider ka unggal tempat pikeun ngayakeun panalungtikan. “Duanana ditulis ku tinta emas, boh nu ti Cirebon boh nu ti Galuh. Tapi, duka teuing emas asli atawa henteu na mah. Masih kénéh ditalungtik,” ceuk Andri.

“Al-Qur'an ieu mah taya nomer surat jeung nomer kaca. Tapi, satiap tungtung surat dibuleudan. Tah, buleudan ieu di sababaraha tempat ditulis ku tinta emas. Ieu ogé nu keur ditalungtik ku abdi jeung Toni,” ceuk Andri.

 

Editor: Dudung Ridwan
dewanpers