web analytics

Ngaganti Ngaran Jabar Jadi Isu Nasional. Usulan Déwan Pakar rék Dibukukeun

clockKamis, 29 Oktober 2020 10:29 WIB userDudung Ridwan
Bandung Baheula - Bandungan, Ngaganti Ngaran Jabar Jadi Isu Nasional. Usulan Déwan Pakar rék Dibukukeun, Kongres Sunda 2020,Isu mengganti Provinsi Jabar,Provinsi Sunda

Pra Kongres Sunda. Panitia foto bareng. (Dudung Ridwan/Ayobandung.com)

BANDUNG, AYOBANDUNG.COM -- Warta Wakil Ketua MPR Fadel Muhammad ngadukung usulan ngaganti ngaran Provinsi Jawa Barat jadi Provinsi Sunda (12/10) geus minuhan media lokal jeung nasional. Isu ngaganti ngaran Provinsi Jawa Barat geus jadi isu nasional, malah geus asup ranah politik.

“Para élit politik di Jakarta geus ngadarangu isu ieu. Malah geus nepi ka Presiden Jokowi jeung mantan Presiden SBY sagala. Tapi, ceunah, maranéhna teu ngarasa kaancam ku isu ieu,” ceuk Avi Taufik Hidayat, Ketua Kongrés Sunda, kamari Rebo, 28/10 di Sekretariat Kongrés Sunda, Gedung Perpustakaan Ajib Rosidi, Jl. Garut Bandung.00).

Atuh isu éta jadi pro kontra di masarakat. Wali Kota Cirebon Nashrudin Azis salah sahiji nu teu satuju. "Ngaran Jawa Barat téh geus kerén, nasionalis. Teu kudu diganti," ceuk Azis negeskeun. Tingali Ayobandung.com, "Wali Kota Cirebon Tolak Provinsi Jawa Barat Jadi Provinsi Sunda", Rebo (14/10).

Seniman jeung Budayawan Kota Tasikmalaya, Ashmansyah Timutiah, nyebutkeun, wacana ngaganti  ngaran Provinsi Jawa Barat jadi Provinsi Sunda tujuanna leuwih ka ranah politik.  

Ceuk Ashmansyah, ngaganti ngaran provinsi teu penting-penting teuing. "Aya nu leuwih penting tibatan ngarobah ngaran, nyaéta néangan kagiatan naon nu leuwih nganyejahterakeun masarakat. Umpamana ngagiatkeun pangwangunan, aksi sosial, atawa kagiatan séjén lianna," ceuk Ashmansyah Kemis (15/10/2020).

Nu teu satuju, ceuk Andri Kantaprawira—sékrétaris Kongrés Sunda--kaasup tokoh Jabar, TB Hasanudin. Ceuk TB Hasanudin, parobahan ngaran éta ngan saukur kahayang segelintir 30-40 urang. Jeung gerakan ieu teu boga dasar hukumna, cenah.

Tah, kamajuan isu ngaganti ngaran provinsi ieu dilaporkeun Panitia Kongés ka Déwan Pakar Kongrés Sunda di gempungan nu kamari d gelar, 28/10. Hadir para inohong Sunda--Dr. Indra Perwira, Dr. Gunawan Undang, Memet A. Hamdan, Memet A. Hakim, Ridho Eisy, Adjie Esa Putra, wawakil ti Sumedang, Garut, Cirebon, Galuh, jeung rea deui.

Sanajan Kongrés Sunda boga tilu agénda—nyaeta: hiji, ngarumuskeun adeg-adeg jeung tangtungan (jati diri) budaya Sunda; dua, stratégi kabudayaan Sunda, sarakan sareng negara nu majeng ka sawala-sawala daérah; tilu, mulangkeun ngaran provinsi--ceuk Dr. Indra Prawira, dosen Unpad, nu populér di masyarakat anggeur ngan aya hiji agénda, nyaéta ngarobah ngaran provinsi. “Agénda nu kahiji jeung nu kadua mah teu dianggap.”

Ngeunaan kritik Panitia Kongrés nu teu boga dasar hukum. “Ari baheula, Panitia 9 nyieun Piagam Jakarta boga dasar hukum teu? Kongrés Pemuda Sunda taun 1956 boga dasar hukum teu?  Ari gerakan politik mah teu nanaon teu boga dasar hukum. Revolusi gé lamun meunang, kakara boga dasar hukum. Mun éléh, jadi penghianat,” ceuk Indra.

Indra usul, panitia dina ngawangun analisis kudu dibalikkeun. Lain kahayang heula tuluy néangan pembenaranna. Sabalikna, kudu tina pembenaran heula. Naha lamun ngaran Jabar diganti jadi Provinsi Sunda aya mangfaatna teu? Umpamana bisa méré karaharjaan pikeun masarakat, atawa kinerja aparat beuki hadé teu? Saha waé nu bakal meunang mangfaat? Nu meunang mangfaat ulah ngan ukur urang Sunda wungkul, tapi kudu keur masarakat kabéh, utamana jang anak incu urang.

Tapi, di mana-mana ngaganti ngaran provinsi euweuh alesan anu logis. Lolobana leuwih ka sentimén pribadi. Leuwih ka unsur psikologis. Tapi sanajan kitu, unsur psikologis tetep merlukeun presure politik. “Prosedur kudu dipaké. Saencan dibawa ke pusat, kuduna jadi isu di tingkat DPRD heula, di tingkat lokal heula. Tuluy maju ka gubernur.”

Dr. Gunawan Undang, ahli otonomi daérah, satuju isu ngaganti ngaran ieu geus asup ranah politik. Ceuk manéhna, lamun aya politisi nu teu satuju ka parobahan ngaran provinsi, tong dikoncar. Tapi, sabalikna kudu dihiyap. Kudu ogé aya “pendekatan” ke partai politik. Cirebon tong dijauhan. Kudu dideukeutan. Lainna, kudu ogé aya kajian daérah. Dijieun ku lembaga nu kompetén. Umpamana ku LPPM Unpad. Tuluy, kajian ieu nu dijadikan dasar ku DPRD dan gubernur.

Sanggeus gempungan, Avi Taufik hidayat nyebutkeun alasan utama hayang ngarobah ngaran téh nyaéta alasan kemanusaan. Geuning Provinsi Jabar téh préstasina sahandapeun provinsi nu geus ganti ngaran, siga Banten, Papua, jeung Aceh. “Ku ngaganti ngaran ieu dipihareup jadi daya dorong ka masarakat pikeun leuwih maju.”

Ceuk Avi, “Sakabéh, usulan ti Déwan Pakar Kongrés Sunda di luhur rék ditampung dina naskah ilmiah nu eusina lima faktor naon nu jadi ngalantarankeun kudu ganti ngaran provinsi. “

 

 

Editor: Dudung Ridwan

terbaru

Kebon Binatang Bandung Krisis. Soang jeung Uncal Bakal jadi Kahakanan...

Bandungan Jumat, 30 Juli 2021 | 14:03 WIB

Ngeunaan bantuan, Aan nyebut salila ieu Bazoga meunang bantuan pakan ti komunitas, pihak swasta, atawa pribadi.

Bandung Baheula - Bandungan, Kebon Binatang Bandung Krisis. Soang jeung Uncal Bakal jadi Kahakanan Maung, Kebun Binatang Bandung,Kebun Binatang,Bazoga,pakan harimau Kebun Binatang Bandung

Sastra Sunda: MAPAG HIBAR PANGHAREPAN

Bandungan Sabtu, 24 Juli 2021 | 13:59 WIB

Kuring diuk sisi jandéla, beus ngageuleuyeung lalaunan. Anit ngadadahan ka bapana. Beuki jauh, leungeun Fahmi diantelkeu...

Bandung Baheula - Bandungan, Sastra Sunda: MAPAG HIBAR PANGHAREPAN, Carpon Sunda,carpon Aam Amarullah,carpon,Sastra Sunda,sastra dan budaya Sunda,Cerita pendek bahasa Sunda,Cerita pendek Sunda

Disaté, Digulé, Digepuk … Daging Kurban Dikumaha Deui Nya? Geus Nyobaa...

Bandungan Jumat, 23 Juli 2021 | 11:32 WIB

Saté koyor dijieunna tina gajih sapi, teu maké daging pisan. Di Yogyakarta, saté koyor sohor pisan.

Bandung Baheula - Bandungan, Disaté, Digulé, Digepuk … Daging Kurban Dikumaha Deui Nya? Geus Nyobaan Saté Koyor?, Sate Koyor,masak daging kurban,Iduladha,sate,gule,gepuk,Daging Kurban

Anthony Ginting Siap Makalangan di Olimpiade Tokyo 2020

Bandungan Rabu, 21 Juli 2021 | 14:49 WIB

Dina anceran mah, Ginting nu jadi unggulan kalima di Olimpiade ieu, bakal sanggup ngeléhkeun lawan-lawanna.

Bandung Baheula - Bandungan, Anthony Ginting Siap Makalangan di Olimpiade Tokyo 2020, Anthony Ginting,Pebulutangkis Anthony Sinisuka Ginting,Olimpiade 2020 Tokyo,tunggal putra anthony sinisuka ginting,Bulu Tangkis

Cerpen: TRUK MENUJU KOTA

Bandungan Sabtu, 17 Juli 2021 | 07:49 WIB

Seharusnya aku takut kepada Brenda. Dia cukup jangkung dan suaranya terdengar berat. Brenda adalah perempuan yang terjeb...

Bandung Baheula - Bandungan, Cerpen: TRUK MENUJU KOTA, Cerita Pendek,cerpen,Cerita pendek Ken Hanggara,Sastra,Bahasa dan Sastra Indonesia

Vidéo Doni Salmanan nu keur Ngabagi-bagi Duit Viral. Saha Doni Salmana...

Bandungan Jumat, 16 Juli 2021 | 13:12 WIB

Wakil Bupati Bandung, Sahrul Gunawan, nga-repost vidéo Doni Salmanan. Atuh, meunang mangpirang koméntar.

Bandung Baheula - Bandungan, Vidéo Doni Salmanan nu keur Ngabagi-bagi Duit Viral. Saha Doni Salmanan téh?, Doni Salmanan,doni salmanan bagi-bagi duit,Youtuber Doni Salmanan,Sahrul Gunawan,Dadang Supriatna-Sahrul Gunawan (Bedas)

Korona dina Carpon Sunda: Catetan tina Pasanggiri Ngarang Carpon Pakar...

Bandungan Selasa, 13 Juli 2021 | 20:16 WIB

Catetan tina Pasanggiri Ngarang Carpon Korona di Komunitas Pakarangan

Bandung Baheula - Bandungan, Korona dina Carpon Sunda: Catetan tina Pasanggiri Ngarang Carpon Pakarangan, Carpon Sunda,pasanggiri ngarang carpon,pakarangan,pasanggiri ngarang carpon Pakarangan,Hadi AKS,Bahasa dan Sastra Sunda,seni dan sastra sunda,Sastra Sunda

Sastra Sunda: ÉLÉGI PANDEMI

Bandungan Sabtu, 10 Juli 2021 | 10:47 WIB

Saban kuring rék miang sakola di TK Bustanul Athfal, buuk kuring nu panjang, diuntun dua. Dipitaan. Dibajuan. Disoléndan...

Bandung Baheula - Bandungan, Sastra Sunda: ÉLÉGI PANDEMI, Carpon Sunda,Carpon Komala Sutha,Carita pondok Sunda,Cerita pendek Sunda,Cerita pendek bahasa Sunda,Cerita Pendek,Sastra Sunda

artikel terkait

dewanpers
arrow-up