web analytics

dr. Reisa: Peré Liburan Mending Cicing di Imah

clockRabu, 28 Oktober 2020 14:38 WIB userDudung Ridwan
Bandung Baheula - Bandungan, dr. Reisa: Peré Liburan Mending Cicing di Imah, Satgas Covid-19,Juru Bicara Satgas Penanganan Covid-19, dr. Reisa Brotoasmoro.,Llibur panjang

Juru Bicara Satgas Penanganan Covid-19, dr. Reisa Brotoasmoro. (BNPB)

Peré liburan ieu sieun jadi klaster sumebarna Covid-19.

BANDUNG, AYOBANDUNG.COM -- Ayana peré liburan lila ti—28 Oktober nepi 1 November 2020—teu ngalantarankeun pamaréntah reugreug. Justru sabalikna. Pamaréntah ngarasa hariwang alatan masa pandemi Covid-19 can réngsé kénéh.

Bisi wé salama peré liburan téh jelema ruang-riung di tempat wisata. Atawa balik ka kampungna. Tuluy kumpul jeung kulawargana.

dr. Reisa Brotoasmoro, Juru Bicara Satgas Penanganan Covid-19 ngawanti-wanti, omat nu kararitu téh tong kajadian. “Peré liburan ieu sieun jadi klaster sumebarna Covid-19,” ceuk dr. Reisa basa méré katerangan pérs di Kantor Presiden nu disiarkan ku kanal YouTube Sekretariat Presiden, basa Jumaah (23/10/2020).

Ceuk dr. Reisa, peré liburan téh mendingan cicing di imah wé. Liburan di imah nu ceuk basa légégna mah staycation (stay vacation) téa. Ku jaman ayeuna mah éta leuwih aman. Sakabéh kulawarga bakal kaperhatikeun.

Dina stay vacation, sakabéh kulawarga bisa ngajalankeun protokol nu dijieun Kementerian Pemberdayaan Perempuan dan Perlindungan Anak (PPPA). “Beberesih imah. Kabéh semprot ku disinfektan. Lancarkeun asup-kaluarna hawa. Jieun ventilasi nu hadé. Mun isuk-isuk, jandéla buka-bukakeun méh cahaya panon poé asup,” ceuk dr. Reisa.

Liburan di imah teu éléh ku liburan di luar imah. Loba kagiatan nu bisa dilakukeun di imah. Umpamana wisata virtual ka musium-musium. Internét bisa dimangfaatkeun. Bisa nongton konsér musik atawa lalajo film. Bisa ogé olahraga babarengan.

“Olahraga di imah umpamana bisa ngamangfaatkeun pedoman olahraga nu dijieun ke Kementerian Pemuda dan Olahraga. Olahraga Yoga ogé bisa, atawa stretching, atawa angkat beban,” ceuk dr. Reisa. Meunang olahraga di luar imah, tapi perhatikeun inténsitasna. Tong poho maké masker jeung ngajaga jarak.

Sanajan kitu, lamun keukeuh waé kudu indit-inditan ka luar kota, pamaréntah ngingetkeun hadéna mah maké moda transportasi nu nerapkeun protokol kaséhatan, siga karéta api atawa kapal terbang.

Tapi, mun maké transportasi umum, pastikeun kudu geus boga tikét ti jauhna. Jadi, teu milu antrian nu panjang. Tong ruang riung. Kadé maké masker. Tong loba ngobrol jeung panumpang séjén.

“Mun kudu mondok di hotél, pilih hotél nu beresih nu nerapkeun protokol kaséhatan. Kementerian Pariwisata dan Ekonomi Kreatif geus nerapkeun prisip CHSE--Cleanlines, Health, Safety and Environment sustainability. Beresih, séhat, jeung aman tina sumebarna Covid-19, tapi tetep kudu ‘ramah lingkungan’," ceuk dr. Reisa. 

Masarakat nu kudu digawé di luar imah salama peré liburan, pastikeun kudu nerapkeun protokol kaséhatan ti Satgas Covid -19. Laporkeun mun aya karyawan nu indit-inditan ka luar kota.

Nu merlukeun panduan salama peré liburan, bisa ningali ka situs resmi pamaréntah di Covid-19.go.id. Atawa bisa ningali ka situs resmi Kementerian Pemberdayaan Perempuan dan Perlindungan Anak, Kementerian Pemuda dan Olahraga dan Kementerian Pariwisata dan Ekonomi Kreatif atau bisa nelepon ka nomor 119 éksténsi 9.

“Liburan téh memang alus jang psikologi kaséhatan. Tapi, pan urang gé kudu tanggung jawab. Tanggung jawab ngajaga diri sorangan jeung ngajaga batur tina résiko Covid-19. Èta kabéh bagéan tina ngajaga Indonesa,” ceuk dr. Reisa.

Editor: Dudung Ridwan

terbaru

Kebon Binatang Bandung Krisis. Soang jeung Uncal Bakal jadi Kahakanan...

Bandungan Jumat, 30 Juli 2021 | 14:03 WIB

Ngeunaan bantuan, Aan nyebut salila ieu Bazoga meunang bantuan pakan ti komunitas, pihak swasta, atawa pribadi.

Bandung Baheula - Bandungan, Kebon Binatang Bandung Krisis. Soang jeung Uncal Bakal jadi Kahakanan Maung, Kebun Binatang Bandung,Kebun Binatang,Bazoga,pakan harimau Kebun Binatang Bandung

Sastra Sunda: MAPAG HIBAR PANGHAREPAN

Bandungan Sabtu, 24 Juli 2021 | 13:59 WIB

Kuring diuk sisi jandéla, beus ngageuleuyeung lalaunan. Anit ngadadahan ka bapana. Beuki jauh, leungeun Fahmi diantelkeu...

Bandung Baheula - Bandungan, Sastra Sunda: MAPAG HIBAR PANGHAREPAN, Carpon Sunda,carpon Aam Amarullah,carpon,Sastra Sunda,sastra dan budaya Sunda,Cerita pendek bahasa Sunda,Cerita pendek Sunda

Disaté, Digulé, Digepuk … Daging Kurban Dikumaha Deui Nya? Geus Nyobaa...

Bandungan Jumat, 23 Juli 2021 | 11:32 WIB

Saté koyor dijieunna tina gajih sapi, teu maké daging pisan. Di Yogyakarta, saté koyor sohor pisan.

Bandung Baheula - Bandungan, Disaté, Digulé, Digepuk … Daging Kurban Dikumaha Deui Nya? Geus Nyobaan Saté Koyor?, Sate Koyor,masak daging kurban,Iduladha,sate,gule,gepuk,Daging Kurban

Anthony Ginting Siap Makalangan di Olimpiade Tokyo 2020

Bandungan Rabu, 21 Juli 2021 | 14:49 WIB

Dina anceran mah, Ginting nu jadi unggulan kalima di Olimpiade ieu, bakal sanggup ngeléhkeun lawan-lawanna.

Bandung Baheula - Bandungan, Anthony Ginting Siap Makalangan di Olimpiade Tokyo 2020, Anthony Ginting,Pebulutangkis Anthony Sinisuka Ginting,Olimpiade 2020 Tokyo,tunggal putra anthony sinisuka ginting,Bulu Tangkis

Cerpen: TRUK MENUJU KOTA

Bandungan Sabtu, 17 Juli 2021 | 07:49 WIB

Seharusnya aku takut kepada Brenda. Dia cukup jangkung dan suaranya terdengar berat. Brenda adalah perempuan yang terjeb...

Bandung Baheula - Bandungan, Cerpen: TRUK MENUJU KOTA, Cerita Pendek,cerpen,Cerita pendek Ken Hanggara,Sastra,Bahasa dan Sastra Indonesia

Vidéo Doni Salmanan nu keur Ngabagi-bagi Duit Viral. Saha Doni Salmana...

Bandungan Jumat, 16 Juli 2021 | 13:12 WIB

Wakil Bupati Bandung, Sahrul Gunawan, nga-repost vidéo Doni Salmanan. Atuh, meunang mangpirang koméntar.

Bandung Baheula - Bandungan, Vidéo Doni Salmanan nu keur Ngabagi-bagi Duit Viral. Saha Doni Salmanan téh?, Doni Salmanan,doni salmanan bagi-bagi duit,Youtuber Doni Salmanan,Sahrul Gunawan,Dadang Supriatna-Sahrul Gunawan (Bedas)

Korona dina Carpon Sunda: Catetan tina Pasanggiri Ngarang Carpon Pakar...

Bandungan Selasa, 13 Juli 2021 | 20:16 WIB

Catetan tina Pasanggiri Ngarang Carpon Korona di Komunitas Pakarangan

Bandung Baheula - Bandungan, Korona dina Carpon Sunda: Catetan tina Pasanggiri Ngarang Carpon Pakarangan, Carpon Sunda,pasanggiri ngarang carpon,pakarangan,pasanggiri ngarang carpon Pakarangan,Hadi AKS,Bahasa dan Sastra Sunda,seni dan sastra sunda,Sastra Sunda

Sastra Sunda: ÉLÉGI PANDEMI

Bandungan Sabtu, 10 Juli 2021 | 10:47 WIB

Saban kuring rék miang sakola di TK Bustanul Athfal, buuk kuring nu panjang, diuntun dua. Dipitaan. Dibajuan. Disoléndan...

Bandung Baheula - Bandungan, Sastra Sunda: ÉLÉGI PANDEMI, Carpon Sunda,Carpon Komala Sutha,Carita pondok Sunda,Cerita pendek Sunda,Cerita pendek bahasa Sunda,Cerita Pendek,Sastra Sunda

artikel terkait

dewanpers
arrow-up