web analytics
  

Temen di Facebook

Senin, 26 Oktober 2020 16:09 WIB Dudung Ridwan
Bandung Baheula - Bandungan, Temen di Facebook, Bandungan,Fikmin Sunda,Sastra Sunda

Facebook. (Pixabay)

DUKA iraha “temen-an” jeung Marwan. Teuing kuring nu nga-add? Teuing Marwan? Nu jelas Marwan kaasup babaturan anu aktif ngomén. Aktif nga-like.

Resep, ningali statusna wé, eukeur mah kasép, kagiatanna loba pelesiran. Rada narsis, popotoan waé. Hiji waktu dipoto di Menara Kembar, Malaysia. Hiji mangsa, di deukeut Patung Singa,  Singapura. Mecenghul di deukeut jam Big Ben, London.

Kuring tara ngomén ti heula. Marwan nu ngomén. Lain kunanaonlah. Nyakitu téa loba nu anéh di FB mah.

“Aya di kantor kénéh, Kang?” manéhna chatting.

“Muhun. Kitu téa, A, aya lemburan,” kuring nga-Aakeun. “Di mana yeuh?”

“Budapest, Kang.”

“Meni resep.” Ukur kitu wé. Tara papanjangan.

Hiji waktu Marwan dipoto di tempat nu kuring teu apal. Maké jakét jins alus. Pamandanganna  kota heubeul . Aya walungan beresih.

“Di mana, A? Jermannya?” kuring nanya.

“Sanés, Kang. Austria.”

“Naksir ka jakétna. He he.”

“Ah, Akang mah. Manawai téh naksir ka jalmina.”

Jep, kuring cicing.

Editor: Dudung Ridwan
dewanpers