web analytics
  

Pasantrén Kudu jadi Andelan Ngasosialisasikeun “Parobahan Perilaku”

Minggu, 18 Oktober 2020 19:28 WIB Dudung Ridwan
Bandung Baheula - Bandungan, Pasantrén Kudu jadi Andelan Ngasosialisasikeun “Parobahan Perilaku”, Satgas Covid-19,Perubahan Perilaku

Ketua Satgas Percepatan COVID-19 Jabar (Jabar) Ridwan Kamil mariksa panerapan protokol kaséhatan di sajumlah pasantren. (Istimewa)

Pasantrén mangrupakeun tempat kumpulna jelema pinter nu bisa nerapkeun aturan jang sorangan, ogé sakaligus bisa méré nyaho ka masarakat.

BANDUNG, AYOBANDUNG.COM -- Pasantrén dipihareup jadi andelan pikeun nyosialisasikeun parobahan perilaku di masarakat ku conto jeung pangajaran. Parobanan perilaku ieu tujuanna jang nurunkeun sumebarna virus corona, kitu ceuk Ketua Bidang Perubahan Perilaku Satgas Penanganan Covid-19, Dr. Sonny Harry D. Harmadi.

Sabab, pasantrén mangrupakeun tempat kumpulna jelema pinter nu bisa nerapkeun aturan jang sorangan, ogé sakaligus bisa méré nyaho ka masarakat.

“Sagala pari polah ajengan atawa kiai téh conto jeung bakal diturutan ku masarakat. Jadi, lamun ajengan nyosialisasikeun aturan, pastina bakal éféktif. Kukituna, Pasantrén Darunnajah nu geus nerapkeun protokol kaséhatan bisa dijadikeun conto ku pasantrén lain di Indonésa,” ceuk Sonny Harmadi.

Sonny  ogé nambahkeun salain pasantrén kudu nerapkeun aturan protokol kaséhatan, santri-santri na ogé dina kagiatan sapopoéna kudu nerapkeun “pola hidup bersih”. Boh, dina ngagunakeun alat-alat ibadah atawa alat-alat nu lainna.

Koordinator Tim Pakar dan Juru Bicara Pemerintah jang Penanganan Covid-19 Prof. Wiku Adisasmito negeskeun dina dangeut ieu parobahan perilaku téh mangrupakeun hiji hal nu penting pisan pikeun ngantisipasi  sumebarna virus corona. Sabab, sumebarna virus téh ti manusa ka manusa nu asup ngaléwatan panon, irung, jeung baham.

 “Jadi, mangkadé tong poho nerapkeun 3 M. Maké masker, Mangkadé jaga jarak, jeung Mindeng kukumbah leungeun maké sabun ku cai beureusih,” ceuk Prof. Wiku Adisamito.

Editor: Andres Fatubun

artikel terkait

dewanpers