web analytics
  

Balanja ka Pasar Loak Astana Anyar

Rabu, 7 Oktober 2020 13:58 WIB Dudung Ridwan
Bandung Baheula - Bandungan, Balanja ka Pasar Loak Astana Anyar, Pasar Loak Astana Anyar,Wisata Bandung,Astana Anyar

Padagang nu ngajual barang urut sapanjang Jalan Astana Anyar. (Dok. Jaka Jamalludin Yusuf)

NGARANNA gé Pasar Loak Astana Anyar, nya pasti ayana di Jalan Astana Anyar, Bandung. Ngembat ti mimiti Taman Tegallega, tuluy ngulon ka Jalan Pelana, Inggit Garnasih, nepi ka Parapatan Pajagalan. Lolobana mah nu daragang téh ngampar sisi jalan atawa maké roda. Aya ogé, siga konter hp, nu geus dikiosan. Cenah, pasar loak ieu geus aya ti taun 60 an. Baheula mah nu daragang na can pati ramé siga ayeuna. Ti taun 98, mimiti raména.

Ngaranna gé pasar loak, tangtu sagala aya. Nu aya didagangkeun. Ti mimiti parabot urut. Barang kawé. Barang anyar ogé aya. Sanajan dipisah-pisah, angger hésé misahkeun per téma. Bakat ku loba.

Barang kaperluan sapopoé, parabot rumah tangga, rice cooker, cocoan budak, ninténdo, play station, kipas angin, mesin tik, komputer, alat-alat motor, ban motor, ban mobil, pélkna, séndok témbok, ragaji, hapé urut, hapé anyar. Oh, enya tukang sapédah ngajajar—ayeuna keur usum. Batu ali gé aya kénéh—sanajan geus teu usum. Hélm urut—ti nu bermerk atawa merk basajan. Naon deui nya? Ah, loba wé.

Nu dagangna jalujur. Tara nganutup-nutup ka kualitas barang nu rék dijualna. Lamun barangna asli, disebut asli. Lamun barangna kawé, terus terang wé kawé. Jeung  teu asa-asa nyebutkeun kagoréngan barangna.

Ngenaan harga. Ah, telatif kumaha barangna. Barang murah nya murah. Barang mahal nya mahal. Ti mimiti RpRp3.000 nepi ka Rp300.000. Tong asa-asa nawar wé. Tapi, tong handap teuing nawarna da padagang di dieu mah tara méré harga mahal. Asal Ayaan, cenah.

Aya sababaraha tips mun rék balanja ka Pasar Loak Astana Anyar

Kahiji, tong rusuh lamun balanja ka Pasar Loak Astana Anyar. Kudu nyantéi. Anggap wé ulin, tong nganggap rék balanja. Hadé na mah nyieun rarancang heula ti imah. Barang naon nu rék dibeuli? Umpamana rék meuli spare part ps 2 alatan rusak. Aya kénéh teu urut nu rusakna? Mangkadé bawa, pikeun engké ditémbongkeun ka nu dagang.

Kaduana, tong beurang teuing datangna. Bisi béakeun. Bisi panas, deuih. Bukana ti mimiti tabuh 08.00 nepi ka tabuh 12.00. Da tabuh 12 mah geus coréngcang. Ogé, tong balanja poé Jumaah, tutup.

Katiluna, siapkeun fisik da mapay ti Tegallega ka Parapatan Pajagalan téh lumayan jauh. Lian ti éta siapkeun ogé acisna. Maennya rék balanja teu mawa acis? He he.

Lamun geus beubeunangan barangna, tuluy beuteung kukurubukan ménta dieusi, tong salempang, pabalatak nu dagang tuangeun. Bade lontong kari. Warung padang. Warung Sunda, atawa nu sanés.

Ieu mah, peupeujeh wé, tah asup saeutik ka Jalan Pelana aya tukang saté nu ramé waé ku nu meuli. Ngebul terus alatan digeber saténa teu eureun-eureun. Atuh kebul jeung seungitna ka mana-mana. Kantun pilih, saté sapi atawa saté  hayam. Saporsina ngan Rp15.000.

Sok, lah.

Editor: Dudung Ridwan

terbaru

Sastra Sunda: PETI PANYINGLAR PATI

Bandungan Sabtu, 15 Mei 2021 | 09:05 WIB

Tali peti anu ceuk pangrasana geus pageuh ditalikeun kana palang dada, singhoréng talina pegat kabawa tanaga cai nu nyéo...

Bandung Baheula - Bandungan, Sastra Sunda: PETI PANYINGLAR PATI, cerpen Sunda,Cerita pendek Sunda,Cerita pendek bahasa Sunda,Carpon Ai Wawang,Carita pondok,Bandungan,Sastra Sunda,Bahasa dan Sastra Sunda,carpon

IDULFITRI

Bandungan Rabu, 12 Mei 2021 | 17:27 WIB

Poho kana protokol kaséhatan. Sabab, kébeh hayang ngarayakeun Idulfitri.

Bandung Baheula - Bandungan, IDULFITRI, fiksimini,Fiksimini Sunda,fiksimini bahasa sunda,cerita  pendek sunda,Carpon Sunda,fiksimini dudung ridwan

Peré Lebaran, Maén Badminton jeung Pamaén Persib

Bandungan Senin, 10 Mei 2021 | 13:47 WIB

Nyaan nyemésna tarik—da puguh gedé tanaga. Tapi, kieu senina badminton. Manéhna ku uing teu dibéré bola cemésen.

Bandung Baheula - Bandungan, Peré Lebaran, Maén Badminton jeung Pamaén Persib, fiksimini,fiksimini,Fiksimini Sunda,Cerita pendek Sunda,Cerita pendek bahasa Sunda,fiksimini dudung ridwan

Sastra Sunda: IMPIAN SAMÉMÉH LEBARAN

Bandungan Sabtu, 8 Mei 2021 | 06:11 WIB

Henteu gampang geuning jadi pangarang téh. Ngahuleng ti balik tarawéh nepi ka ampir jam sabelas, asa acan manggih waé ca...

Bandung Baheula - Bandungan, Sastra Sunda: IMPIAN SAMÉMÉH LEBARAN, Cerita Pendek,Cerita pendek bahasa Sunda,Cerita pendek Sunda,cerita pendek Yus R. Ismail,carpon,Carpon Sunda,carpon yus r. ismail,seni dan budaya sunda,Sastra Sunda

Dongéng Nasruddin Hoja: Numpak Keledai Nyanghareup ka Tukang

Bandungan Jumat, 7 Mei 2021 | 14:40 WIB

Tapi ayeuna mah jumaahanna bari ngabringkeun murid-muridna. Atuh da murid-muridna téh barandel pisan.

Bandung Baheula - Bandungan, Dongéng Nasruddin Hoja: Numpak Keledai Nyanghareup ka Tukang, Kisah nasruddin hoja,kisah nasruddin hoja basa sunda,carita nasruddin hoja dina basa sunda,dongeng nasruddin hoja

Aglonéma Diprédiksi Tetep Bakal Jadi Primadona

Bandungan Kamis, 6 Mei 2021 | 15:17 WIB

Aglonéma nu boga ngaran latin Chinese evergreen ieu boga kakhasan nu béda jeung nu lain.

Bandung Baheula - Bandungan, Aglonéma Diprédiksi Tetep Bakal Jadi Primadona, Tanaman Hias,Aglonema,jenis Aglonema,Aglonema impor,Aglonema lokal,harga Aglonema Bandung,harga aglonema

Timburu

Bandungan Rabu, 5 Mei 2021 | 15:40 WIB

Da di tukang baso tahu éta pisan cinta manéhna baheula ngajadi.

Bandung Baheula - Bandungan, Timburu, fiksimini,Cerita Fiksi,Fiksimini Sunda,fiksimini dudung ridwan,timburu

Hayang Lauk Laut Teu Kudu ka Laut, Aya Pasar Ikan Modern Soreang

Bandungan Selasa, 4 Mei 2021 | 14:45 WIB

Sagala lauk laut aya. Di lantéi dua aya dua puluh lapak nu narima meuleum lauk atawa narima mangmasakeun.

Bandung Baheula - Bandungan, Hayang Lauk Laut Teu Kudu ka Laut, Aya Pasar Ikan Modern Soreang, pasar ikan,Pasar Ikan Modern Soreang,Pasar Ikan Modern,Pasar Ikan Modern Bandung

artikel terkait

dewanpers