web analytics
  

Taman di Komplék Pémda: Hiburan Gratis Warga Soréang

Kamis, 24 September 2020 11:34 WIB Dudung Ridwan
Bandung Baheula - Bandungan, Taman di Komplék Pémda: Hiburan Gratis Warga Soréang, wisata,Soreang,Gedong Budaya Sabilulungan,taman uncal

Taman Anak di Komplek Pemda Soreang (dudung ridwan/ayobandung)

Kompléks Pémda Kabupaten Bandung di Soréang lain saukur tempat digarawéna pagawé Pémda Kabupatén Bandung. Leuwih ti éta, komplék perkantoran ieu ogé jadi tempat hiburan masyarakat nu deukeut ka wewengkon éta. Komo poé Saptu jeung Minggu mah. Salain lapangan Upakarti nu sok dijadikeun tempat olahraga joging, senam, jeung olahraga lainna, ogé Gedong Budaya Sabilulungan di pentasenna. Hareupeun Gedong  Budaya Sabilulungan atawa di tepas Masjid Al-Fathu dijadikeun tempat istirahat nu tas olahraga atawa tempat rinéhna para gowéser ngaleungitkeun kacapé. “Tempatna raoseun kanggé nongkrong. Ogé, suasanana saé kanggé sélfi,” ceuk Dadang Rahmat salah sahiji gowéser nu ngahajaja nangkring di dinya, Minggu 20/9/2020. “Loba nu daragang ogé,” pokna.

Samentara, di jero komplék, aya ogé sababaraha taman nu tempatnya ariuh ku tatangkalan. Aya taman Uncal, Taman Anak, jeung Taman Perpustakaan. Tempatna asri, pikabetaheun. “Lumayan lah hiburan gratis di akhir pekan. Ninggali uncal, teu kudu jauh jauh ka Rancaupas Ciwidéy atawa ka Kebon Binatang Bandung. Itung itung ngasuh budak. Gratis,” ceuk Syukron (40 tahun) warga Parahyangan Kencana, Cangkuang Bandung, nu keur ngasuh budakna.

Asup ka komplék Pémda ieu teu kudu mayar. Mung mangkadé tong hilap mawa masker. Sabab, méméh asup komplék, aya tulisan “Wajib Pakai Masker”.

Editor: Dudung Ridwan

artikel terkait

dewanpers