web analytics
  

Ubar Kasusah jeung Karuwed

Senin, 21 September 2020 13:10 WIB Dudung Ridwan
Bandung Baheula - Bandungan, Ubar Kasusah jeung Karuwed, doa,Salat Tahajud,obat stres,salat

Ilustrasi. ( Konevi dari Pixabay )

Sakum jalma pasti ngalaman kasusah jeung karuwed. Mun teu kurang-kurang iman mah matak strés nyanghareupan dua hal éta. Malah teu saeutik jalma cageur jaradi gélo atawa nyicingan pangbérokan gara-gara dua perkara éta. Kasusah jeung karuwed euntreup ka saha baé, teu pipilih: ka nu kolot, nu ngora, nu sangsara, nu beunghar, nu goréng patut, nu kasép, nu geulis, nu bodo, nu pinter, jalma biasa, pajabat, artis jeung réa-réa deui.

Pangbérokan pinuh ku nu loba duit. Mantan gupernur. Mantan bupati. Mantan wali kota. Mantan anggota dpr. Teu saeutik ogé nu teu boga duit poékeun, uleung ku pasualan ékonomi. Nu kolot hayang ngora—dioperasi plastik. Nu ngora hayang nyoba-nyoba--kena narkoba. Nu sangsara hayang beunghar—ngarampok atawa datang ka dukun. Nu beunghar hayang beuki beunghar—korupsi.

Asa anéh bangsa urang mah ninggali tatangga maju, meunang milik, sok ngarasa panas. Sirik. Haté ngagedur kahuruan. “Nya enya loba duit gé da meunang ‘nguyupan’ aspal”. Komo deui pami batur atawa tatangga meunang kasusah jeung karuwed, ngarasa atoh. Keprok. Surak. “Puas usahana bangkrut da dimodalan ku duit meunang korupsi”; “Ah, pantes paéhna hésé da ngabogaan susuk”; “Sok wé tingali sakeudeung deui beuteungna melendung  da dihénénan waé ku kabogohna”. Terus kasusah jeung karuwed batur didagang-dagang, diomong-omong, diiklan-iklan. Di golodog tatangga, di warung, di pangajian, di médsos.

Naha ku cara kitu kasusah jeung karuwed bakal leungit? Moal. Malah kalah ka beuki nambahan. Sok wé tingali eunggeusna: “Nama baik kuring cemar. Kuring rék lapor pulisi”; “Kuring teu rumasa. Ieu fitnah”; “Kuring teu geunah. Ku aing diontrog”. Der, gelut.

Sabenerna kasusah jeung karuwed téh bungbu kahirupan. Mun hirup lempeng-lempeng waé, teu aya éta kasusah jeung karuwed, moal ramé dunya téh. Euweuh tikungan. Euweuh ujian. Euweuh tangtangan. Iwal iman nu bisa ngendalikeun jelema tina kasusah jeung karuwed.

Ceuk ustad, kasusah jeung karuwed sorangan—komo nu batur mah—tong didagang-dagang. Tong diomong-omong. Tong diiklan-iklan. Tapi, buntel ku sarung. Talian sing pageuh. Asupkeun ka jero lomari. Konci lomarina. Pami lomarina di jero kamar, konci kamarna. Pami kamarna di jero imah, konci imahna. Pami imahna dipager, konci pagerna. Simpeun di handeuleum sieum.

Cukup ku dikonci? Henteu. Tah, pami geus tabuh dua atawa satengah tilu peuting, anjeun hudang. Kacai. Nyokot wudhu. Amparkeun sajadah. Tahajud. Sanggeus kitu, kaluarkeun buntelan téh tina lomari. Buka. Tamprakkeun lengen. Béjakeun sagala kasusah jeung karuwed ka Anjeunna. Pék ngadua bari ceurik. Allah ngadawuh di QS Al-Mu’min (40): 60: “Pék anjeun ngadoa ka Kami, pasti ku Kami dikabulkeun.” Rasulullah Saw. nyarios, “Allah ’Azza wa Jalla rék turun ka langit dunya unggal peuting dina sapertilu peuting anu panungtung bari ngadawuh, ”Sing saha nu ngadua ka Kami, Kami rék nyumponan kahayangna jeung sing saha nu ménta ampun ka Kami, Kami rék meré pangampun.” (HR Bukhari dan Muslim). … Sabenerna ngan ka Allah kuring ngabéjakeun kasusah jeung karuwed, QS Yûsup (12): 86.

Jadi, sakali deui, kasusah jeung karuwed sorangan—komo nu batur mah—tong didagang-dagang, tong diomong-omong, tong diiklan-iklan. Pasrahkeun sadayana ka Allah. Insya Allah, isuk pagéto boga jalan kaluar pikeun nyanghareupan kasusah jeung karuwed.

Editor: Dudung Ridwan

terbaru

Keremes, Katuangan Jadul nu Mimiti Langka

Bandungan Rabu, 23 Juni 2021 | 15:43 WIB

Tapi, aya wé nu keukeuh ngeureyeuh ngaproduksi katuangan nu dijieunna tina hui ieu.

Bandung Baheula - Bandungan, Keremes, Katuangan Jadul nu Mimiti Langka, keremes,Kremes,keremes makanan jadul,keremes makana khas sunda,kremes mulai langka

Nu Dijilbab Kayas

Bandungan Selasa, 22 Juni 2021 | 14:59 WIB

Ti harita, pleng, tepi ka ayeuna teu panggih. Boh jeung Elis. Boh jeung Wawan. Carita éta geus di-énd-keun. Disimpeun di...

Bandung Baheula - Bandungan, Nu Dijilbab Kayas, Fiksimini Sunda,Cerita Fiksi,fiksimini,fiksimini dudung ridwan,Sastra Sunda

Cerpen: SEGALA HAL PENTING DALAM INGATAN

Bandungan Sabtu, 19 Juni 2021 | 09:31 WIB

Maafkan aku, Dorma. Sepertinya, aku takkan pernah sempat menceritakan segala hal penting dalam ingatanku ini kepadamu ka...

Bandung Baheula - Bandungan, Cerpen: SEGALA HAL PENTING DALAM INGATAN, Cerita Pendek,Bahasa dan Sastra Indonesia,cerpen,cerpen fitri manalu,cerita pendek fitri manalu,sastra indonesia,Sastra

Kukurilingan Néangan RS Kosong, Pasién Covid 19 Ahirna Maot di Jalan

Bandungan Jumat, 18 Juni 2021 | 14:15 WIB

Pasién Covid asal Lohbener maot di jalan sanggeus teu manggihan RS nu kosong.

Bandung Baheula - Bandungan, Kukurilingan Néangan RS Kosong, Pasién Covid 19 Ahirna Maot di Jalan, COVID-19,pasien covid 19 meninggal di jalan,rs  penuh,Pasien Covid-19

Sanggeus Ngalongok nu Gering, 35 Warga Cikalongwetan Positif Covid-19

Bandungan Kamis, 17 Juni 2021 | 15:01 WIB

Sanggeus Ngalongok nu Gering, 35 Warga Cikalongwetan Positif Covid-19

Bandung Baheula - Bandungan, Sanggeus Ngalongok nu Gering, 35 Warga Cikalongwetan Positif Covid-19, COVID-19,menjenguk orang sakit,menengok orang sakit,ngalongok nu gering

Toko Roti Sumber Hidangan (Het Snoephuis) Tempat Ngumpulna Urang Belan...

Bandungan Rabu, 16 Juni 2021 | 13:51 WIB

Toko Roti Sumber Hidangan (Het Snoephuis) Tempat Ngumpulna Urang Belanda di Bandung

Bandung Baheula - Bandungan, Toko Roti Sumber Hidangan (Het Snoephuis) Tempat Ngumpulna Urang Belanda di Bandung, Sumber Hidangan,Toko Roti Sumber Hidangan,Toko Roti Legendaris,Het Snoephuis

Sastra Sunda: PEUTING PETENG KI JURU PANTUN

Bandungan Sabtu, 12 Juni 2021 | 09:56 WIB

Pantun téh salah sahiji pintonan kasenian dina jaman Pajajaran. Anu remen dilalakonkeunanana kalolobaan mah carita ngeun...

Bandung Baheula - Bandungan, Sastra Sunda: PEUTING PETENG KI JURU PANTUN, Cerita pendek bahasa Sunda,Cerita Pendek,cerita pendek aan merdeka permana,Carpon Sunda,carpon aan merdeka  permana,Bandungan,Sastra Sunda,Bahasa dan Budaya Sunda

Kurupuk RO: Sajarah Panjang Raden Omay

Bandungan Kamis, 10 Juni 2021 | 14:44 WIB

Kurupuk RO bisa disebut kadaharan jadul nu ngalegénda. Tapi, tong salah nu raresep kana camilan khas Jawa Barat ieu masi...

Bandung Baheula - Bandungan, Kurupuk RO: Sajarah Panjang Raden Omay, Kerupuk RO,Pengrajin Kerupuk RO,Raden omay,sejarah kerupuk ro,sajarah kurupuk ro
dewanpers