web analytics
  

Dongéng Prajurit

Selasa, 8 September 2020 11:54 WIB Dudung Ridwan
Bandung Baheula - Bandungan, Dongéng Prajurit, dongeng,prajurit,jariah,cerpen

Ilustrasi prajurit. (Devanath dari Pixabay )

Aya hiji raja. Hiji waktu éta raja téh miwarang ka salah sahiji prajuritna. “Prajurit, jug, anjeun indit ka hiji tempat. Tempat éta téh katelah pikageueumeun. Siga guha, poék, mongkléng. Teu katingali curuk-curuk acan. Sanajan kitu, anjeun, wayahna kudu indit!”

“Siap, Raja,” ceuk éta Prajurit. Padahal dina haténa mah ngarempod. Rék nanahaon kudu asup ka tempat anu poék mongkléng? Haroréam teuing. Sudi najis. Tapi, éta téh da paréntah raja. Kudu digugu jeung diturut. Anjeunna kudu taat jeung patuh kana paréntah nu jadi dunungan.

Isukna, jug wéh si Prajurit téh angkat ngajugjug tempat nu poék téa. Méh teu keueung teuing, saméméhna, si Prajurit nyamper baturna nu kahiji, ménta dibaturan.

“Embung, ah,” ceuk baturna, “ari kudu nganter ka tempat poék bari jeung pikasieuneun mah. Barina gé anjeun jeung kuring ayeuna geus ‘putus hubungan’. Tos teu aya gantar kakaitan.”

Deuh, meni kitu nya. Si Prajurit nyeri haté. Padahal manéhna téh baheula diihtiaran ti isuk jedor nepi ka peuting jedar. Geus benang, dipupusti. Dielapan. Dikosokkan.

Si Prajurit kuciwa. Manéhna ngingkig balik ngajugjug babaturanna nu kadua.

“Sok, ku kami dianter,” ceuk baturna nu kadua. Ngan aya tapina ...”

“Naon tapina?”

“Horéam ari kudu nganter ka jero mah. Daék sotéh nganter tepi ka panto gerbang wé. Ka jero na mah jug wé anjeun sorangan.”

“Meni kitu,” ceuk si Prajurit. Padahal baheula mah manéhna téh ti leuleutik tepi ka gedéna diurus ku aing. Tuang leueutna dipangmilariankeun. Sagala pangabutuhna dicumponan.

Nya atuh ari kitu mah. Kami rék nepungan babaturan nu katilu. Sugan wé bisa nganter.

Panggih jeung babaturan nu katilu. Sagala pamaksudan si Prajurit teh alhamdulillah dicumponan.

“Hayu, ku kami dianter ka mana gé. Tong boro maturan asup ka nu poék, nganter nepungan ka Raja na gé, hayu, ku kami dianter.”

Si Prajurit bungah kacida. Teu nyangka baturna aya kubageur naker. Singkat carita, si Prajurit téh dianter ku babaturanna nu katilu.

Pamiarsa, tah, dongéng di luhur téh ngan saukur simbol.

Saha atuh anu jadi Raja téh? Nyaéta Allah Swt. Nu Kagungan sagala alam. Anu paréntahna kudu diturut jeung digugu. Sagala laranganna kudu disingkahan.

Saha atuh anu jadi si Prajurit téh? Nyaéta urang sadaya, makhluk Allah Swt. Nu kudu turut tumut ka paréntah Mantenna.

Nu kumaha atuh harti tempat nu poék téh? Nyaéta alam kubur. Teu aya nu apal, isuk pagéto, atawa jaga, teu budak teu kolot, urang sadayana pasti kabagéan.

Saha atuh nu jadi réréncangan nu kahiji téh? Nyaéta dunya. Ti isuk jedor tepi ka peuting jedar dunya ku urang ditéangan.  Ngabélaan suku di luhur, hulu di handap. Lamun urang maot, dunya rék milu ka jero kubur? Moal.

Saha atuh nu jadi réréncangan nu kadua téh? Nyaéta kulawarga urang. Dipiara, dipupusti, ku urang dijaga ti leuleutik dugi ka gedé. Pami urang maot ngan bisa nganterkeun samet kuburan. Careurik di luhur kubur urang. Geus kitu mah baralik wéh.

Pertarosan terakhir, saha atuh nu jadi babaturan katilu, babaturan nu bageur, keresa nganter di jero kubur malah dugi akhirat nepangan Allah Swt? Teu aya sanés, nyaéta amal jariah.

Hadis populér:

“Upami hiji jalma maot, pegat sagala amalanna kecuali tilu perkara (nyaéta): sedekah jariyah, ilmu nu diamalkeun, atawa du’a budak nu sholeh” (HR Muslim no. 1631)

Editor: Dudung Ridwan

terbaru

Keremes, Katuangan Jadul nu Mimiti Langka

Bandungan Rabu, 23 Juni 2021 | 15:43 WIB

Tapi, aya wé nu keukeuh ngeureyeuh ngaproduksi katuangan nu dijieunna tina hui ieu.

Bandung Baheula - Bandungan, Keremes, Katuangan Jadul nu Mimiti Langka, keremes,Kremes,keremes makanan jadul,keremes makana khas sunda,kremes mulai langka

Nu Dijilbab Kayas

Bandungan Selasa, 22 Juni 2021 | 14:59 WIB

Ti harita, pleng, tepi ka ayeuna teu panggih. Boh jeung Elis. Boh jeung Wawan. Carita éta geus di-énd-keun. Disimpeun di...

Bandung Baheula - Bandungan, Nu Dijilbab Kayas, Fiksimini Sunda,Cerita Fiksi,fiksimini,fiksimini dudung ridwan,Sastra Sunda

Cerpen: SEGALA HAL PENTING DALAM INGATAN

Bandungan Sabtu, 19 Juni 2021 | 09:31 WIB

Maafkan aku, Dorma. Sepertinya, aku takkan pernah sempat menceritakan segala hal penting dalam ingatanku ini kepadamu ka...

Bandung Baheula - Bandungan, Cerpen: SEGALA HAL PENTING DALAM INGATAN, Cerita Pendek,Bahasa dan Sastra Indonesia,cerpen,cerpen fitri manalu,cerita pendek fitri manalu,sastra indonesia,Sastra

Kukurilingan Néangan RS Kosong, Pasién Covid 19 Ahirna Maot di Jalan

Bandungan Jumat, 18 Juni 2021 | 14:15 WIB

Pasién Covid asal Lohbener maot di jalan sanggeus teu manggihan RS nu kosong.

Bandung Baheula - Bandungan, Kukurilingan Néangan RS Kosong, Pasién Covid 19 Ahirna Maot di Jalan, COVID-19,pasien covid 19 meninggal di jalan,rs  penuh,Pasien Covid-19

Sanggeus Ngalongok nu Gering, 35 Warga Cikalongwetan Positif Covid-19

Bandungan Kamis, 17 Juni 2021 | 15:01 WIB

Sanggeus Ngalongok nu Gering, 35 Warga Cikalongwetan Positif Covid-19

Bandung Baheula - Bandungan, Sanggeus Ngalongok nu Gering, 35 Warga Cikalongwetan Positif Covid-19, COVID-19,menjenguk orang sakit,menengok orang sakit,ngalongok nu gering

Toko Roti Sumber Hidangan (Het Snoephuis) Tempat Ngumpulna Urang Belan...

Bandungan Rabu, 16 Juni 2021 | 13:51 WIB

Toko Roti Sumber Hidangan (Het Snoephuis) Tempat Ngumpulna Urang Belanda di Bandung

Bandung Baheula - Bandungan, Toko Roti Sumber Hidangan (Het Snoephuis) Tempat Ngumpulna Urang Belanda di Bandung, Sumber Hidangan,Toko Roti Sumber Hidangan,Toko Roti Legendaris,Het Snoephuis

Sastra Sunda: PEUTING PETENG KI JURU PANTUN

Bandungan Sabtu, 12 Juni 2021 | 09:56 WIB

Pantun téh salah sahiji pintonan kasenian dina jaman Pajajaran. Anu remen dilalakonkeunanana kalolobaan mah carita ngeun...

Bandung Baheula - Bandungan, Sastra Sunda: PEUTING PETENG KI JURU PANTUN, Cerita pendek bahasa Sunda,Cerita Pendek,cerita pendek aan merdeka permana,Carpon Sunda,carpon aan merdeka  permana,Bandungan,Sastra Sunda,Bahasa dan Budaya Sunda

Kurupuk RO: Sajarah Panjang Raden Omay

Bandungan Kamis, 10 Juni 2021 | 14:44 WIB

Kurupuk RO bisa disebut kadaharan jadul nu ngalegénda. Tapi, tong salah nu raresep kana camilan khas Jawa Barat ieu masi...

Bandung Baheula - Bandungan, Kurupuk RO: Sajarah Panjang Raden Omay, Kerupuk RO,Pengrajin Kerupuk RO,Raden omay,sejarah kerupuk ro,sajarah kurupuk ro
dewanpers