web analytics
  

Naek Angkot ka Soreang

Rabu, 2 September 2020 10:24 WIB Dudung Ridwan
Bandung Baheula - Bandungan, Naek Angkot ka Soreang, Angkot,Soreang,transportasi,Terminal Leuwipanjang

Ilustrasi angkutan umum perkotaan. (angkot) (Irfan Al Faritisi)

Indit gawé ti imah milu ka tatangga naék motor. Balikna mah hayang naék angkot. Geus lila teu naék angkot.

Tabuh tujuh peuting. Di terminal Leuwipanjang megat angkot ka Soréang. Kosong. Gék diuk tukangeun supir.

Angkot maju lalaunan. Supirna culang-cileung néangan panumpang. “Soréang. Soréang. Pak, Soréang. Bu, Soréang!” ceuk supir.

Euweuh nu naék.

Baheula mah nu gogorowokan néangan panumpang téh kenék. Tapi, ayeuna mah angkot téh teu usum maké kenék. Supirna teu boga duit meureun jang ngagajih kenék? Boro-boro kenék, jang sopir sorangan gé can tangtu kabagéan.

Angkot téh reg eureun di parapatan da lampu beureum hurung. Préman terminal nu maké tato nyampeurkeun supir. Ujug-ujug srot, srot! nyemprotkeun parfum ka awak supir.

Terus préman téh namprakkeun leungeun menta duit ka supir. Supir ngasongkeun duit sarebu.

Lampu héjo. Angkot maju deui. Lalaunan. Reg eureun hareupeun bank. Ngetém jeung sababaraha hiji angkot.

“Soréang! Soréang!”

Euweuh panumpang nu naék. Karunyaeun ka kuring, supir majukeun deui angkot. Culang-cileung kénéh. “Soreang! Soreang!”

Reg deui eureun di parapatan Kopo. Ngetém deui. Motor sing belesat tararik. Supir ngageroan padagang asongan. “Jang, roko sabatang lah. Lieur. Euweuhan kieu.”

Supir ngasongkeun duit sarébu. Roko diseungeut. Ngebul tina baham jeung irungna.

Di luar, calo ngabantuan gogorowokan néangan panumpang. Keseleun. Maju deui. Palebah Miko Mall rada macét. Nu ngamén ngagajleng naék. Lagu Ayu Ting Ting. Geus réngsé, pangamén téh ngasongkeun plastik urut air mineral. Sor ku kuring dibéré sarebu.

“Nuhun, Pa!” ceuk pangamén.

Maju saeutik-saeutik. Supir nyusut késang. Bahamna kumétap ningali jalma keur balakécrakan dahar pecel lélé jeung soto ayam di warung ténda sisi jalan. Sanggeus Miko Mall mah, angkot téh rada tarik. Di Sayati ngarandeg. “Soréang! Soréang!”

Euweuh nu naék.

Maju deui. Rada tarik. Leuwih tarik, muru bubaran pabrik di palebah Bojongbuah. Enya bubaran. Tapi, euweuh panumpang nu naék da dijaremput ku motor. Ngabiur deui.

“Pa, badé ka mana?” supir nanya.

“Gadingtutuka,” témbal kuring.

Tepi ka Warunglobak angger euweuh panumpang nu nyetop.

Nyebrut ka Gadingtutuka. Kuring eureun di parapatan. Ngasongkeun duit dua puluh rebu.

“Teu aya wangsulan, Pa. Aya nu pas?” “Wios, tong diwangsulan,” ceuk kuring.

“Nuhun, Pa.”

Angkot teu tuluy ka Soréang, tapi dibalikkeun deui ka Bandung.

Editor: Dudung Ridwan

terbaru

Tina Pengrajin Wayang Golék Banting Setir Jadi Nyieunan Miniatur Treuk

Bandungan Rabu, 21 April 2021 | 13:54 WIB

Asalna mah Iwan ngagabung jeung pengrajin wayang golek Giri Harja di Jelekong.

Bandung Baheula - Bandungan, Tina Pengrajin Wayang Golék Banting Setir Jadi Nyieunan Miniatur Treuk, perajin miniatur truk soreang,harga miniatur truk,miniatur truk,bisnis miniatur truk,Wayang Golek,miniatur treuk

Pa Haji nu Beunghar Berkah

Bandungan Selasa, 20 April 2021 | 15:43 WIB

Jelema datang ti suklana ti siklukna. Kabéh diondang. Nu wawuh atawa nu henteu.

Bandung Baheula - Bandungan, Pa Haji nu Beunghar Berkah, fiksimini,Fiksimini Sunda,Cerita Fiksi,Carpon Sunda

Ngabuburit ka Pasar Manuk Sukahaji, Asa Pelesir ka Kebon Binatang

Bandungan Senin, 19 April 2021 | 12:15 WIB

Kakara gé jrut turun, geus disamperkeun ku nu nawaran manuk.

Bandung Baheula - Bandungan, Ngabuburit ka Pasar Manuk Sukahaji, Asa Pelesir ka Kebon Binatang, Pasar Burung,Pasar Burung Sukahaji,ngabuburit ka pasar burung sukahaji,jual beli burung di pasar sukahaji

Sastra Sunda: KEMBANG HAREPAN

Bandungan Sabtu, 17 April 2021 | 09:49 WIB

“Tos ti wangkid ayeuna mah tong aya Nina di dieu, Kang. Urang nataan deui kahirupan anyar.”

Bandung Baheula - Bandungan, Sastra Sunda: KEMBANG HAREPAN, Sastra Sunda,Bahasa dan Sastra Sunda,cerita pendek nina rahayu nadea,Carpon Sunda,Bandungan

Dongéng Nasruddin Hoja: Jumaahan Poé Kemis

Bandungan Jumat, 16 April 2021 | 09:59 WIB

“Naha Juma’ahan? Pan ayeuna kakara gé poé Kemis? Isuk Juma'ahan mah.” Baturanna ngarasa heran.

Bandung Baheula - Bandungan, Dongéng Nasruddin Hoja: Jumaahan Poé Kemis, dongeng nasruddin hoja,Kisah nasruddin hoja,nasruddin hoja salat jumat hari kamis

5 Macem Korma. Cocok Kanggé Ta’jil

Bandungan Kamis, 15 April 2021 | 14:59 WIB

Korma di Indonésa lolobana didatangkeun ti Timur Tengah.

Bandung Baheula - Bandungan, 5 Macem Korma. Cocok Kanggé Ta’jil, Jenis kurma,Macam kurma,khasiat kurma,kurma,kurma Ajwa

Méngbal Huhujanan

Bandungan Rabu, 14 April 2021 | 15:20 WIB

Isukna, kuring ningali Ema keur ngaberesihan baju kotor jeung sapatu urut kuring méngbal.

Bandung Baheula - Bandungan, Méngbal Huhujanan, Fikmin Sunda,Fiksimini Sunda,ceritap pendek sunda,Carpon Sunda

BULAN DI JERO SUMUR

Bandungan Selasa, 13 April 2021 | 05:52 WIB

Ngagebeg, naha bet aya bulan di jero sumur? Deudeuh teuing, bulan geus tikusruk ka sumur.

Bandung Baheula - Bandungan, BULAN DI JERO SUMUR, Kisah nasruddin hoja,nasruddin hoja dan bulan di dalam sumur,kisah nasruddin hoja basa sunda,carita nasruddin hoja dina basa sunda

artikel terkait

dewanpers